ЧЕМПИОНАТИ ОСИЁ. Варзишгари ҷавони тоҷик Меҳрон Шафиев бар муштзани қирғиз ғолиб омад
ДУШАНБЕ, 04.12.2024. /АМИТ «Ховар»/. Дар Чемпионати Осиё оид ба бокс дар шаҳри Чиангмайи Тайиланд 9 муштзани тоҷик иштирок доранд. Дар рӯзи чоруми мусобиқа варзишгари Тоҷикистон Меҳрон Шафиев дар вазни то 48 кг рақобат намуд. Дар ин хусус шореҳи варзиши АМИТ «Ховар» хабар медиҳад.
Меҳрон Шафиев дар даври аввали мусобиқот бо намояндаи Қирғизистон Анваржан Ходжиев рақобат кард. Бо қарори якдилонаи доварон дар ин рақобат пирӯзӣ бо ҳисоби калони 5 бар 0 насиби Меҳрон Шафиев гардид.
Меҳрон Шафиев дар даври дуюм рақобатро идома медиҳад.
Дар се рӯзи гузашта муштзанони тоҷик Шаҳобҷон Шукуров дар вазни 71 кг ва Миҷгона Самадова дар вазни то 57 кг ғалаба карда, ба даври дуюм роҳ ёфтанд. Абдумалик Болтаев дар вазни 80 кг дар даври аввал ноком гардид.
Ёдовар мешавем, ки Чемпионати Осиё оид ба бокс дар шаҳри Чиангмайи Тайиланд аз 28 ноябр то 12 декабр байни беҳтарин муштзанони қораи Осиё баргузор мегардад. Дар ин мусобиқаи сатҳи баланд беш аз 200 муштзан (132 мард ва 82 зан) аз 21 давлати Осиё иштирок доранд.
АКС аз манбаъҳои боз
ФУТБОЛ. Дастаи мунтахаби Тоҷикистон соли 2025-ро дар раддабандии ФИФА бо мақоми 101-ум ҷамъбаст кард
ЧЕМПИОНАТИ ТОҶИКИСТОН ОИД БА ГӮШТИНИ ҶУДО. Ғолибони он дар шаҳри Душанбе муайян гардиданд
Манучеҳр Каримзода раиси Федератсияи ҷиу-ҷитсуи Тоҷикистон интихоб шуд
Варзишгарони тоҷик аз Парабозиҳои V Осиё бо дастоварди бузург ба Ватан баргаштанд
ЧЕМПИОНАТИ ҶАҲОН ОИД БА БОКС. Муштзанҳои ҷавони тоҷик соҳиби медалҳои нуқра ва биринҷӣ гардиданд
Мусобиқа оид ба футбол байни дастаҳои деҳаҳо ва маҳаллаҳои аҳолинишини Тоҷикистон ҷамъбаст гардид
Варзишгарони тоҷик дар Парабозиҳои V Осиё байни наврасон 4 медал ба даст оварданд
Варзишгари тоҷик Акмал Убайдов соҳиби медали биринҷии Чемпионати ҷаҳон оид ба бокс–2025 шуд
Байни деҳаю маҳаллаҳои аҳолинишини ҷамоатҳои шаҳру ноҳияҳои Тоҷикистон мусобиқаи футбол оғоз гардид
Дар Душанбе оид ба ҳуқуқи инсон ва механизмҳои амалишавии он ҷаласа доир гардид
Дастаи «Сардор»-и Турсунзода бори аввал ба Лигаи олии Тоҷикистон оид ба футбол баромад
Дастаи «Сипар» ғолиби Ҷоми Тоҷикистон-2025 оид ба футзал гардид
