Дар ноҳияи Панҷ бинои синфхонаҳои иловагӣ ба истифода дода шуд
ДУШАНБЕ, 16.12.2024. /АМИТ «Ховар»/. Бахшида ба 35-солагии Истиқлолияти давлатии Ҷумҳурии Тоҷикистон дар деҳаи Вахшони Ҷамоати деҳоти ба номи Кабут Сайфуддинови ноҳияи Панҷ бинои синфхонаҳои иловагии Муассисаи таҳсилоти миёнаи умумии №37 ба истифода дода шуд. Дар ин хусус ба АМИТ «Ховар» дар хадамоти матбуоти Раиси вилояти Хатлон хабар доданд.
Масоҳати умумии бино аз 0,65 гектар иборат буда, 0,200 метри мураббаи онро сохтмон ташкил медиҳад.
Бино аз ду ошёна ва 4 синфхонаи фаннӣ иборат буда, бо таҷҳизоти зарурӣ муҷаҳҳаз мебошад. Ҳамчунин барои кормандон тамоми шароити корӣ фароҳам оварда шудааст.
Ҳамчунин дар деҳаи Навободи ноҳияи Панҷ бинои Муассисаи таҳсилоти миёнаи умумии рақами №45 мавриди истифода қарор дода шуд. Муассисаи таълимӣ аз 2 ошёна ва 7 синфхонаи таълимӣ барои 144 хонанда иборат мебошад.
Бино бо озмоишгоҳҳои фанҳои физика ва химия, синфхонаи омодагии ибтидоии ҳарбӣ, синфхонаҳои технологияи иттилоотӣ–коммуникатсионӣ, китобхона ва маркази гармидиҳии ягонаи буғӣ таъмин мебошад.
Инчунин дар деҳаи Регистони Ҷамоати деҳоти Намунаи ноҳияи Панҷ бинои Муассисаи таҳсилоти миёнаи умумии №17 ба истифода дода шуд.
Сохтмони ин иншоот моҳи марти соли 2023 оғоз шуда, бо сарфи 2 миллиону 689 ҳазор сомонӣ бино барои 300 хонанда дар ду баст бунёд гардид.
Масоҳати умумии бино аз 1,95 гектар иборат буда, 338 метри мураббаъро сохтмон ташкил медиҳад. Бино аз ду ошёна ва 6 синфхонаи фаннӣ иборат мебошад.
Гармидиҳии муассиса ба тариқи буғӣ бо истифодаи ангишт дар дегхона ба роҳ монда шуда, дар фасли сармо даҳлез ва дохили бино бо гармӣ таъмин карда мешавад.
Ёдовар мешавем, ки ин иншоот дар доираи 35-солагии Истиқлолияти давлатии Ҷумҳурии Тоҷикистон сохта, ба истифода дода шуданд.
АКС: Хадамоти матбуоти Раиси вилояти Хатлон
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
