Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
ДУШАНБЕ, 26.12.2024 /АМИТ «Ховар»/. Дар Палатаи ҳисоби Ҷумҳурии Тоҷикистон дар доираи барномаи давлатии «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025» дар мавзуи «Сиёсати ҳуқуқии давлат дар самти пешгирӣ ва муқовимат ба экстремизм ва терроризм» машварати методӣ баргузор шуд.
Тавре АМИТ «Ховар» бо истинод ба Палатаи ҳисоб хабар медиҳад, профессори кафедраи пешгирии ҷиноятҳои террористии Академияи Вазорати корҳои дохилии Ҷумҳурии Тоҷикистон Ҳаёт Сафарзода оид ба санадҳои қонунгузорӣ дар самти экстремизм ва терроризм, фаъолият ва номгӯйи созмонҳои даҳшатафкан, ки мақсадашон ба вуҷуд овардани нооромӣ, дигаркунии сохти конститутсионии давлат, ғасби ҳокимият ва тасарруфи салоҳияти он, ангезонидани нажодпарастӣ, миллатгароӣ, бадбинии иҷтимоӣ ва мазҳабӣ мебошад, маъруза намуд.
Иброз гардид, ки имрӯз сокинони мамлакатро зарур аст, ки бар зидди терроризму ифротгароӣ муборизаи беамон баранд, фаъолию зиракии сиёсиро аз даст надиҳанд ва барои ҳифзи амнияти миллӣ саъю талош намоянд.
Дар машварат гуфта шуд, ки барои пешгирию бартараф намудани сабабу шароит ва омилҳои ба экстремизм ва терроризм мусоидаткунанда дар Палатаи ҳисоб мунтазам корҳои фаҳмондадиҳӣ анҷом дода мешаванд.
Бо иқтибос аз суханҳои Президенти Тоҷикистон муҳтарам Эмомалӣ Раҳмон таъкид гардид, ки вазъи сиёсию иқтисодӣ ва амнияти ҷаҳонӣ, нооромию низоъҳо дар гӯшаҳои гуногуни олам моро водор месозанд, ки барои пешгирии ҳамроҳшавии ҷавонон ба ҳизбу ҳаракатҳои ифротӣ, пешрафти устувори иқтисодиёт ва расидан ба ҳадафҳои стратегии Ҳукумати Ҷумҳурии Тоҷикистон тадбирҳои мушаххасу мақсаднок андешем.
АКС: Палатаи ҳисоби Ҷумҳурии Тоҷикистон
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
