Дар Вазорати энергетика ва захираҳои об бахшида ба Рӯзи ҳуқуқи инсон конфронси илмӣ-амалӣ баргузор гардид

Декабрь 7, 2024 10:37

ДУШАНБЕ, 07.12.2024 /АМИТ «Ховар»/. 6 декабр дар Вазорати энергетика ва захираҳои оби Ҷумҳурии Тоҷикистон бахшида ба Рӯзи ҳуқуқи инсон (10 декабр) дар мавзуи «Таъмини ҳифзи ҳуқуқи инсон ва шаҳрванд дар Ҷумҳурии Тоҷикистон: вазъият ва дурнамо» конфронси илмӣ-амалӣ баргузор шуд.

Тавре ба АМИТ «Ховар» дар Вазорати энергетика ва захираҳои об хабар доданд, дар ҷамъомад намояндагони мақомоти Ваколатдор оид ба ҳуқуқи инсон, Агентии инноватсия ва технологияҳои рақамии назди Президенти Ҷумҳурии Тоҷикистон, шарикони рушд ва коршиносону олимони соҳа иштирок намуданд.

Иштирокдорон вобаста ба нақши мақомоти Ваколатдор оид ба ҳуқуқи инсон дар таъмини эҳтироми ҳуқуқу озодиҳои инсон ва шаҳрванд, ҳадафҳои асосии «Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон дар давраи то соли 2038»,  вобаста ба ҳуқуқи инсон ба оби тоза ва безарар  маърузаҳо пешниҳод намуданд.

Иброз гардид, ки дар Тоҷикистон чун ҷузъи ҷудонопазир ва комилҳуқуқи ҷомеаи ҷаҳонӣ аз рӯзҳои аввали соҳибистиқлолӣ ба таъмини ҳуқуқу озодиҳои инсон ва шаҳрванд диққати махсус равона гардидааст.

Дар Конститутсияи ҷумҳурӣ тибқи моддаи 5, инсон, ҳуқуқ ва озодиҳои ӯ ба сифати арзиши олӣ шинохта шудааст ва давлат масъул гардидааст, ки ҳуқуқу озодиҳои инсон ва шаҳрвандро эътироф, риоя ва ҳифз намояд.

Гуфта шуд, ки ҳуқуқи шаҳрвандон барои дастрасӣ ба оби тоза ва безарар дар сатҳи Конститутсияи Ҷумҳурии Тоҷикистон ва қонунҳои амалкунанда, аз ҷумла Кодекси оби Ҷумҳурии Тоҷикистон кафолат дода мешаванд. Ҳуқуқи дастрасӣ ба об на танҳо ҳуқуқи инсон, балки масъулияти муштарак барои ҳамаи мо аст. Мо бояд ҳамкориро таҳким бахшем, захираҳоро ҳифз кунем ва шароите эҷод намоем, ки ҳар шаҳрванди Тоҷикистон аз ин неъмати бебаҳо баҳравар гардад.

АКС: Вазорати энергетика ва захираҳои оби Ҷумҳурии Тоҷикистон

Декабрь 7, 2024 10:37

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад