Кумакҳои Президенти Ҷумҳурии Тоҷикистон ба тарбиятгирандагони Мактаб-интернати ҷумҳуриявии ноҳияи Рӯшон расонида шуданд
ХОРУҒ, 27.12.2024. /АМИТ «Ховар»/. Ба тарбиятгирандагони Мактаб-интернати ҷумҳуриявии ноҳияи Рӯшони Вилояти Мухтори Кӯҳистони Бадахшон кумакҳои навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон иборат аз либосҳои зимистона ва туҳфаҳо расонида шуданд, хабар медиҳад мухбири минтақавии АМИТ «Ховар» Файз Мирасан.
Кумакҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро намояндагони Дастгоҳи иҷроияи Президенти Ҷумҳурии Тоҷикистон тақдим намуданд.
Вазири маориф ва илми ҷумҳурӣ зимни суҳбат бо тарбиятгирандагони Мактаб-интернати ҷумҳуриявӣ иброз дошт, ки «Пешвои миллат ба таълиму тарбияи насли наврас таваҷҷуҳи хос зоҳир менамоянд. Ҳамасола бо мақсади такмили донишу истеъдод ва ҳунару маҳорати хонандагон дар мамлакат озмунҳои мухталиф баргузор мегарданд.
Ҳавасмандгаронии довталабони озмуну олимпиадаҳо бо ҷоизаю маблағҳои пулӣ ва муқаррар кардани баъзе имтиёзҳо ба онҳо барои дохил шудан ба муассисаҳои олӣ кӯдакону наврасонро водор месозад, ки бештар китобҳои бадеӣ ва илмӣ-риёзӣ мутолиа карда, савияи дониши худро боз ҳам баландтар бардоранд».
Тарбиятгирандагони Мактаб-интернати ҷумҳуриявии ноҳияи Рӯшон ба Пешвои миллат барои ғамхории навбатӣ ва туҳфаҳо изҳори сипос карда, баён доштанд, ки бо баҳои хубу аъло таҳсил карда, бо рафтору кирдори намунавӣ мактабро хатм ва ба Тоҷикистон содиқона хизмат менамоянд.
АКС: АМИТ «Ховар»
Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
