«Олимпиада»-ҳои тиҷоратӣ. Дар интихоби онҳо эҳтиёткор бошед!
ДУШАНБЕ, 03.12.2024. /АМИТ «Ховар»/. Муассисаи давлатии «Маркази ҷумҳуриявии дарёфт ва рушди истеъдодҳо» ба диққати тамоми хонандагони муассисаҳои таҳсилоти миёнаи умумии Тоҷикистон мерасонад, ки ҳангоми интихоби олимпиадаҳо танҳо он олимпиадаеро интихоб намоянд, ки барои иштирок дар онҳо Вазорати маориф ва илми Ҷумҳурии Тоҷикистон иҷозат дода бошад. Дар ин хусус ба АМИТ «Ховар» дар Маркази ҷумҳуриявии дарёфт ва рушди истеъдодҳо хабар доданд.
Зеро бо истифода аз нуфузи олимпиадаҳои байналмилалӣ якчанд ташкилоти тиҷоратӣ ва сайёҳӣ «олимпиада»-ҳоеро тарғиб мекунанд, ки ҳадафи асосии онҳо танҳо тавсеаи тиҷорати худ мебошад. Чунин «олимпиада»-ҳо дар сатҳи миллӣ ва байналмилалӣ эътироф нагардида, барои ғолибони онҳо ягон намуд имтиёз пешбинӣ нашудааст. Аз ин лиҳоз, чунин чорабиниҳои сатҳи пасти ташкиливу илмӣ «олимпиада» ва ғолибият дар онҳо «дастовард» ба ҳисоб намеравад.
Аз ин рӯ хонандагон даъват карда мешаванд, ки ҳангоми интихоби олимпиада эҳтиёткор бошанд. Пеш аз иштирок боварӣ ҳосил намоянд, ки кумитаҳои тадорукоти ин чорабиниҳо аз аккредитатсия гузашта, эътибори байналмилалӣ доранд ё не? Инчунин дақиқ намоянд, ки олимпиадаҳои баргузорнамудаи онҳо воқеан ба стандартҳои байналмилалӣ ва барномаҳои таълимии мамлакати мо мувофиқат мекунанд ё не?
Бояд таъкид намуд, ки баъзе аз ин олимпиадаҳо дар сатҳи байналмилалӣ эътироф гардида, имкони воқеии нишон додани донишу малака ва гирифтани имтиёзҳо барои дохилшавӣ ба муассисаҳои таҳсилоти олии касбиро фароҳам овардаанд. Иштирок дар онҳо ҳамчун дастоварди илмӣ шинохта ва қадр карда мешавад. Ҳамзамон барои иштирок дар ин гуна олимпиадаҳо Вазорати маориф ва илми Ҷумҳурии Тоҷикистон иҷозат додааст.
АКС аз манбаъҳои боз
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
ПАЁМ-РОҲНАМОИ ИМРӮЗУ ФАРДОИ ДУРАХШОН. Дар Донишгоҳи миллии Тоҷикистон ҳамоиши илмӣ-назариявӣ баргузор гардид
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
Президенти Тоҷикистон: «Омӯзиши забонҳои хориҷӣ аз зинаи таҳсилоти томактабӣ ба роҳ монда шавад»
Дар 5 соли оянда барои фарогирии 50 фоизи кӯдакони синни томактабӣ бунёди 800 муассисаи таҳсилоти томактабӣ зарур аст
Дар заминаи Донишкадаи технология ва менеҷменти инноватсионии шаҳри Кӯлоб Донишгоҳи инноватсия ва технологияҳои рақамӣ таъсис меёбад
Эмомалӣ Раҳмон: «Дар замони соҳибистиқлолӣ беш аз 117 ҳазор ҷавонон барои таҳсил ба донишгоҳҳои бонуфузи пешрафтаи ҷаҳон фиристода шуданд»
