Вобаста ба инноватсия, мушкилоти экологӣ ва технологияҳои каммасраф дар нақлиёт конференсия доир шуд
ДУШАНБЕ, 05.12.2024 /АМИТ «Ховар»/. Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Донишгоҳи техникии Тоҷикистон ба номи академик Муҳаммад Осимӣ дар мавзуи «Инноватсия, мушкилоти экологӣ ва технологияҳои каммасраф дар нақлиёт» конференсияи ҷумҳуриявии илмӣ — амалӣ баргузор шуд.
Тавре ба АМИТ «Ховар» дар ин донишгоҳ хабар доданд, дар конференсия аз тарафи олимону муҳаққиқон зиёда аз 50 мақолаи илмӣ аз рӯйи бахшҳои илмҳои табиатшиносӣ, дақиқ ва риёзӣ, илмҳои иҷтимоӣ-гуманитарӣ, истифодаи нақлиёти автомобилӣ, электромобилҳо ва мошинҳои гибридӣ, ташкил ва бехатарии ҳаракат дар роҳ, бехатарии воситаҳои нақлиёт, истифодаи нақлиёти ҳавоӣ ва роҳи оҳан, иқтисодиёт ва логистикаи нақлиётӣ ва ғайра пешниҳод ва баррасӣ гардиданд.
Мақсади баргузории конференсия табодули таҷриба байни муҳаққиқон, магистрантон ва донишҷӯён мебошад.
Дар кори конференсия намояндагони Раёсати Бозрасии давлатии автомобилӣ, Раёсати ташхиси криминалистии Вазорати корҳои дохилии Ҷумҳурии Тоҷикистон ва Хадамоти давлатии назорат ва танзим дар соҳаи нақлиёт иштирок намуданд.
АКС: Донишгоҳи техникии Тоҷикистон ба номи академик Муҳаммад Осимӣ
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
