Дар Амороти Муттаҳидаи Араб барои навхонадорон гузаштан аз муоинаи тиббӣ ҳатмӣ шуд
ДУШАНБЕ, 06.01.2025 /АМИТ «Ховар»/. Амороти Муттаҳидаи Араб аз 1 январи соли 2025 барои ҳама шаҳрвандон гузаронидани муоинаи ҳатмии тиббии қабл аз издивоҷро қонунӣ намуд. Қаблан гузаронидани муоинаи ҳатмии тиббӣ байни навхонадорон ихтиёрӣ буд. Дар ин хусус Kazinform иттилоъ медиҳад.
Ин қарор аз ҷониби Шурои геноми Аморати Муттаҳидаи Араб, ки дар ҷаласаҳои солонаи Ҳукумати Амороти Муттаҳидаи Араб дар моҳи ноябр тасдиқ гардид, қабул карда шуд. Тамоми оилаҳои навбунёд аз муоинаи ҳатмии тиббӣ мегузаранд ва натиҷаҳои он тақрибан 14 рӯзро дар бар мегирад.
Ёдовар мешавем, ки дар Ҷумҳурии Тоҷикистон аз 1 июли соли 2016 бо ташаббуси Президенти Ҷумҳурии Тоҷикистон муҳтарам Эмомалӣ Раҳмон Қонун «Дар бораи аз муоинаи ҳатмии тиббӣ гузаронидани ҷавонон қабл аз издивоҷ» мавриди амал қарор гирифта буд.
Тибқи Қонуни Ҷумҳурии Тоҷикистон «Дар бораи аз муоинаи ҳатмии тиббӣ гузаронидани ҷавонон қабл аз издивоҷ» дар мамлакат издивоҷ бо писарамак ва духтарамак, инчунин писартағову духтарамма манъ аст. Ҳамин гуна, пеш аз издивоҷ аз муоинаи тиббӣ гузаштан низ ҳатмӣ буда, он ройгон аст. Дар ҳолати муайян намудани бемории сироятӣ дар яке аз никоҳкунандагон онҳо бояд аз давраи табобатӣ гузаранд. Баъди пурра шифо ёфтан ба онҳо барои ақди никоҳ иҷозат дода мешавад.
Тибқи иттилои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, то замони қабули ин қонун дар мамлакат беш аз 26 ҳазор кӯдаки маъюб сабти ном шуда буд. 35 дарсади онҳо фарзандони оилаҳое мебошанд, ки хешовандони наздик ҳастанд.
Аз 10 то 20 фоизи дигари ин кӯдакони маъюб фарзандони волидоне ҳастанд, ки гирифтори бемориҳои сироятӣ мебошанд.
АКС: АБИ «Казинформ»
Толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро роҳбаладон бо 8 забон шарҳ медиҳанд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе Форуми «Занон дар ҳифзи пиряхҳо» баргузор мегардад
КОНФРОНСИ БАЙНАЛМИЛАЛӢ ОИД БА ҲИФЗИ ПИРЯХҲО. Дар Душанбе форумҳои пешазконфронсӣ ва чорабиниҳои канорӣ доир карда мешаванд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Толорҳои Китобхонаи миллӣ барои баргузории чорабиниҳои канорӣ омода мебошанд
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
