Дар Душанбе ҷаласаи Шурои тандурустии кишварҳои аъзои Иттиҳоди Давлатҳои Мустақил доир мегардад
ДУШАНБЕ, 09.01.2025. /АМИТ «Ховар»/. Нимаи дуюми соли 2025 дар шаҳри Душанбе ҷаласаи Шурои тандурустии кишварҳои аъзои Иттиҳоди Давлатҳои Мустақил баргузор мегардад. Дар ин хусус 8 январ зимни натиҷагирии фаъолияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва зерсохторҳои он дар соли 2024 иттилоъ дода шуд.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» иттилоъ доданд, соли 2024 дар ҷаласаи 37-уми Шурои тандурустии кишварҳои аъзои Иттиҳоди Давлатҳои Мустақил Ҷумҳурии Тоҷикистон ба ҳайси раис интихоб шуд.
Муовини Сарвазири Ҷумҳурии Тоҷикистон Дилрабо Мансурӣ иброз намуд, ки соҳаи тандурустӣ ва ҳифзи иҷтимоии аҳолӣ дар маркази диққати роҳбарияти олии давлату Ҳукумати Тоҷикистон қарор дошта, дар ин самт пайваста тадбирҳои муҳиму саривақтӣ амалӣ карда мешаванд. Соли 2025 буҷети давлатии соҳаи тандурустӣ нисбат ба соли 2024 840 миллион сомонӣ зиёд пешбинӣ шудааст.
Соли 2024 бо мақсади беҳтарсозии ҳолати инфрасохтори шабакаи муассисаҳои тандурустӣ бо истифода аз тамоми сарчашмаҳо дар ҷумҳурӣ 115 муассисаи тандурустӣ ба истифода дода шуд. Дар 112 муассисаи тандурустӣ сохтмон идома дорад. Ҳамзамон дар ин муддат дар 366 муассисаи дигар таъмири асосӣ гузаронида шуд.
Дар айни замон дар ҷумҳурӣ 67 корхонаи ватанӣ зиёда аз 598 намуд ва 351 номгӯй дорую молҳои тиббиро истеҳсол ва гиёҳҳои шифобахши ватаниро коркарду бастабандӣ мекунад. Ин нисбат ба ҳамин давраи соли 2023 мутаносибан 6 корхона, 27 намуд ва 26 номгӯй дору ва моли тиббӣ зиёд мебошад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар назди Кумита оид ба таҳсилоти ибтидоӣ ва миёнаи касбӣ маҳфили «Фурӯғи субҳи доноӣ китоб аст» таъсис ёфт
Мавҷудияти деворҳои ҳимоявӣ дар шоҳроҳи Душанбе-Чанок ҷони нафарони зиёдро наҷот додааст
«ЗАНОН ВА ПАЁМ». Дар Хатлон 50 ҳазор занон дар соҳаи маориф фаъолият менамоянд
Дар роҳҳои кӯҳию наздикӯҳии Тоҷикистон хатари лағжиши тарма ва резиши сангу рег пешбинӣ мешавад
Ҳавои моҳи январи имсола нисбат ба соли 2024 гармтар пешгӯйӣ мешавад
Чаро ғизои дар ҳавопаймо дастрас маззаи хӯроки маъмулиро надорад?
ИНТИХОБОТИ ВАКИЛОНИ ХАЛҚ-2025. Интихобот ифодаи рушди демократия мебошад
БАРДОШТ АЗ ПАЁМ. Ҳар давлати миллӣ ба сифати арзишҳои миллӣ, пеш аз ҳама, забонро мавриди пуштибонӣ ва ҳимоя қарор медиҳад
ДАСТОВАРДИ ТАБИБОНИ ТОҶИК. Бори аввал дар самти бемории рагҳои мағзи сар ҷарроҳӣ ба тариқи эндоскопӣ гузаронида шуд
«МАҚОМИ ЗАНОН ДАР МЕҲВАРИ ПАЁМ». Дар шаҳри Душанбе ҳамоиши занону духтарон баргузор гардид
Масъалаи касбомӯзии аҳолӣ дар меҳвари таваҷҷуҳи Ҳукумати мамлакат, хусусан Президенти Тоҷикистон қарор дорад
