Дар Душанбе созишномаҳои грантӣ бо Бонки олмонии рушд ба имзо расиданд
ДУШАНБЕ, 29.01.2025 /АМИТ «Ховар»/. Имрӯз маросими баимзорасонии ду созишномаи грантӣ байни Ҷумҳурии Тоҷикистон ва Бонки олмонии рушд (KfW) ба маблағи умумии 10 миллион евро баргузор гардид, ки онҳоро Вазири рушди иқтисод ва савдои Ҷумҳурии Тоҷикистон Завқӣ Завқизода, Сафири Фавқулода ва Мухтори Ҷумҳурии Федеративии Олмон дар Тоҷикистон Йорк Шуграф ва Директори минтақавии KfW дар Осиёи Марказӣ Андреас Шнайдер имзо намуданд. Дар ин хусус ба АМИТ «Ховар» дар Вазорати рушди иқтисод ва савдо хабар доданд.
Завқӣ Завқизода иброз намуд, ки бо шарофати сиёсати хирадмандона ва дурандешонаи Президенти Ҷумҳурии Тоҷикистон муҳтарам Эмомалӣ Раҳмон муносибатҳои дуҷонибаи мамлакат бо Ҷумҳурии Федеративии Олмон ва Бонки олмонии рушд (KfW) сол ба сол рушд ёфта, ба сатҳи сифатан нав баромадаанд.
Таъкид гардид, ки ин лоиҳаҳо барои сохтмони бинои иловагӣ дар Пажуҳишгоҳи миллии илмӣ-тадқиқотии акушерӣ, гинекологӣ ва перинатологӣ дар шаҳри Душанбе, инчунин таҷдиди Беморхонаи марказии шаҳри Ваҳдат бо таҷҳизоти муосир пешбинӣ шудаанд. Татбиқи муваффақонаи ин лоиҳаҳо ба баланд бардоштани сифати хизматрасонии тиббӣ, беҳтар намудани ҳифзи саломатии модару кӯдак ва дастрасии аҳолӣ ба ёрии таъҷилии тиббӣ равона гардидааст.
Солҳои охир ҷониби Олмон барои татбиқи лоиҳаҳои афзалиятноки иқтисоди Тоҷикистон, аз ҷумла сохтмони Неругоҳи барқи обии «Себзор» 63 миллион евро, сохтмони муассисаҳои таҳсилоти миёнаи умумӣ 14 миллион евро, рушди инфрасохтори деҳот 20 миллион евро, занҷираи арзиши иловашудаи кишоварзӣ 9,6 миллион евро, сохтмони беморхонаи бемориҳои руҳию сил 11 миллион евро ва дар маҷмуъ 128 миллион евро маблағҳои грантӣ ҷудо намудааст.
Завқӣ Завқизода ба Ҳукумати Ҷумҳурии Федеративии Олмон ва Бонки олмонии рушд (KfW) барои дастгирӣ ва саҳми онҳо дар рушди устувори иқтисодӣ ва иҷтимоии Ҷумҳурии Тоҷикистон изҳори миннатдорӣ намуд.
АКС: Вазорати рушди иқтисод ва савдои Ҷумҳурии Тоҷикистон
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
