Дар қитъаи таҷдидшавандаи роҳи «Қалъаи Хумб – Ванҷ» сохтмони роҳ тибқи нақша идома дорад
ДУШАНБЕ, 08.01.2025 /АМИТ «Ховар»/. Корҳои сохтмонӣ дар қитъаи таҷдидшавандаи роҳи «Қалъаи Хумб – Ванҷ» — шоҳроҳи байналмилалии «Душанбе – Кулма» босуръат идома доранд. Дар ин хусус АМИТ «Ховар» бо истинод ба Вазорати нақлиёти Тоҷикистон иттилоъ медиҳад.
Вазири нақлиёти Тоҷикистон Азим Иброҳим дар Вилояти Мухтори Кӯҳистони Бадахшон ба қитъаи таҷдидшавандаи роҳи «Қалъаи Хумб – Ванҷ» рафта, бо ҷараёни корҳои сохтмонӣ шинос шуд.
Иттилоъ дода шуд, ки бориши рӯзҳои аввали моҳи январ ва резиши рег кори сохтмончиёнро дар портали дуюми нақби дуюм (дарвозаи сохторӣ аз сангу бетон) каме мушкил гардонид.
Корҳои дигар тибқи нақша идома доранд. Роҳсозон барои дар оянда рух надодани резиши сангу рег, ки метавонад боиси вайроншавӣ ва басташавии роҳ гардад, баландиҳои кӯҳиро ҳамвор мекунанд.
Барои сари вақт ва босифат ба итмом расонидани корҳои сохтмону бастабандӣ коргарон ва мутахассисон вазифадор карда шуданд.
Корҳои таҷдиду навсозии қитъаи «Дарвоз –Ванҷ – даромадгоҳи ноҳияи Рӯшон» — и роҳи автомобилгарди байналмилалии «Душанбе – Кулма» бо супориши Президенти Ҷумҳурии Тоҷикистон муҳтарам Эмомалӣ Раҳмон моҳи сентябри соли 2022 оғоз гардиданд. Қаблан ин қитъаи 107-километраро ронандагон бо сабаби омадани сел ва сангрезӣ бо мушкилоти зиёд тай мекарданд. Дар лоиҳаи қитъаи таҷдидшаванда, ки аз ҷониби мутахассисони Корхонаи воҳиди давлатии «Пажуҳишгоҳи лоиҳакашии иншооти нақлиётӣ»-и Вазорати нақлиёти мамлакат иҷро шудааст, ин ҷанбаҳо ба назар гирифта шудаанд.
АКС: Вазорати нақлиёти Ҷумҳурии Тоҷикистон
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
