СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Дар Донишгоҳи давлатии Хуҷанд вобаста ба татбиқи он ҷаласа доир шуд
ДУШАНБЕ, 24.01.2025 /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров оид ба татбиқи ҳадафҳои Солҳои рушди иқтисоди рақамӣ ва инноватсия ҷаласаи нахустини гурӯҳи корӣ баргузор шуд, хабар медиҳад АМИТ «Ховар» бо истинод ба ин донишгоҳ.
Ректори Донишгоҳи давлатии Хуҷанд Аюб Усмонзода таъкид дошт, ки Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 28 декабри соли 2024 ҳамчун ҳуҷҷати стратегӣ ҳадафҳои асосии сиёсати дохилӣ ва хориҷии ҷумҳуриро барои марҳилаи минбаъда муайян намуда, ба рушди иқтисоди рақамӣ ва инноватсия афзалияти хос медиҳад. Татбиқи ин ҳадафҳо аз муассисаҳои таҳсилоти олӣ масъулияти баланд талаб менамояд.
Донишгоҳи давлатии Хуҷанд барои татбиқи ҳадафҳои панҷсолаи рушди иқтисоди рақамӣ ва инноватсия ба масоили амалӣ намудани барномаҳои нави таълимӣ, таҳкими ҳамкорӣ бо бахши хусусӣ ва шарикони байналмилалӣ вобаста ба таъмини рушди таҳқиқоти илмӣ, густариши саводнокии рақамӣ ва васеъ намудани омӯзишҳои амалӣ аҳамияти хос зоҳир менамояд. Ҳамзамон омода намудани мутахассисони соҳибихтисос, ки бо донишҳои рақамӣ ва инноватсионӣ муҷаҳҳаз мебошанд, аз вазифаҳои афзалиятноки донишгоҳ унвон шуд.
Дар ҷаласа барои таъсиси озмоишгоҳҳои муҷаҳҳаз ва марказҳои омӯзиши рақамӣ, амалӣ намудани платформаҳои онлайнӣ барои таълим, ки ба таҳсили рақамӣ ҷавобгӯ бошанд, ҳавасманд намудани омӯзгорон ва олимон ба таҳқиқоти илмӣ дар самти иқтисоди рақамӣ, таъмини иштироки донишҷӯён дар озмунҳои байналмилалии инноватсионӣ таклифҳо пешниҳод гардид.
Татбиқи ҳадафҳои Паёми Президенти Тоҷикистон танҳо тавассути талошҳои дастҷамъона, фаъолияти пурмаҳсул ва саъю кӯшиши ҳамаҷониба имконпазир хоҳад буд.
АКС: Донишгоҳи давлатии Хуҷанд ба номи академик Бобоҷон Ғафуров
ХУДШИНОСИЮ ХУДОГОҲИИ МИЛЛӢ. Дар ҳошияи Паёми Президенти Тоҷикистон ба Маҷлиси Олӣ
Соли 2026 барои соҳаи маориф қариб 14 миллиард сомонӣ пешбинӣ гардидааст, ки нисбат ба соли пешин 25,4 фоиз зиёд аст
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
Дар Кумитаи ҳифзи муҳити зист оид ба шарҳи Паёми Президенти Тоҷикистон ба Маҷлиси Олӣ ҳамоиши сиёсӣ доир шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
РИОЯИ ОДОБУ РУСУМИ НЕКИ МИЛЛӢ. Дар партави Паёми Президенти Тоҷикистон ба Маҷлиси Олӣ
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Дар Кумитаи меъморӣ ва сохтмон доир ба омӯзиши Паёми Президенти Тоҷикистон ба Маҷлиси Олӣ ҳамоиш доир шуд
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
