НИШАСТИ МАТБУОТӢ. Соҳаи авиатсияи граждании Тоҷикистон ба пешравиҳои назаррас ноил мегардад
ДУШАНБЕ, 29.01.2025 /АМИТ «Ховар»/. Соҳаи авиатсияи граждании Тоҷикистон сол то сол бо дастгирию таваҷҷуҳи доимии Пешвои миллат муҳтарам Эмомалӣ Раҳмон рушд намуда, хатсайрҳои нави ҳавоӣ зиёд ва ҷуғрофияи парвозҳо фарогиртар мегарданд. Дар ин хусус 29 январ директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода дар нишасти матбуотӣ ба хабарнигорон иттилоъ дод.
Дар баробари ин, ба таъкиди Ҳабибулло Назарзода парки техникии ширкатҳои ҳавопаймоии мамлакат низ бо техникаи муосири ҳавопаймоӣ мукаммал гардонида мешаванд. Аз ҷумла ба таъкиди номбурда, Ширкати ҳавопаймоии «Сомон Эйр» тасмим гирифтааст, ки бо ширкати истеҳсолкунандаи ҳавопаймои «Боинг» барои харидорӣ намудани ду ҳавопаймои тамғаи «Боинг 737/MAX» шартнома ба имзо расонад. Таъкид гардид, ки ҳавопаймоҳои тамғаи «Боинг 737/MAX» дар семоҳаи аввали соли 2026 ба Ҷумҳурии Тоҷикистон ворид гардида, дар ин замина ҷуғрофияи парвозҳо боз ҳам фарох гардонида мешаванд.
Ҳамзамон Ҳабибулло Назарзода бо натиҷагирӣ аз фаъолияти мақомоти авиатсионии мамлакат дар соли 2024 иброз намуд, ки барои рушди соҳаи авиатсияи гражданӣ ва беҳтар намудани фаъолияти корхонаҳои авиатсионии мамлакат Агентии авиатсияи гражданӣ соли 2025 якчанд корҳоро, аз ҷумла таъмини бехатарии амнияти парвозҳо ва бехатарии авиатсионӣ, баланд бардоштани сатҳу сифати хизматрасонӣ ва ҷалби сармоягузорони хориҷӣ, ворид намудани ҳавопаймоҳои миёнҳаҷми муосир барои хизматрасонии босифат аз ҷониби ширкатҳо ба нақша гирифтааст.
Гуфта шуд, ки соҳаи авиатсияи граждании мамлакат маҳз бо дастгириҳои Президенти Ҷумҳурии Тоҷикистон муҳтарам Эмомалӣ Раҳмон сол аз сол рушд менамояд ва натиҷаи ҳамин дастгирию роҳнамоиҳо буд, ки дар соли сипаригашта парвози ҳавопаймоҳо дар хатсайрҳои дохилӣ аз нав барқарор карда шуд.
Ба таъкиди директори Агентии авиатсияи граждании назди Ҳукумати Ҷумҳурии Тоҷикистон дар ҷавоб ба ғамхориҳо ва дастгириҳои Ҳукумати Тоҷикистон масъулини Агентии авиатсияи гражданӣ ва корхонаҳои авиатсионии мамлакат саъй менамоянд, ки дар пешрафти соҳа ва дигар бахшҳои иқтисоди миллӣ, бахусус соҳаи сайёҳӣ саҳми назаррас гузоранд.
Марзия САИДЗОДА,
АМИТ «Ховар»
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
