Давлатшоҳ Гулмаҳмадзода дар мулоқоти Вазири корҳои хориҷии Русия бо сафирони кишварҳои аъзои Иттиҳоди Давлатҳои Мустақил иштирок кард
ДУШАНБЕ, 04.02.2025 /АМИТ «Ховар»/. 3 феврал Сафири Фавқулода ва Мухтори Ҷумҳурии Тоҷикистон дар Федератсияи Русия Давлатшоҳ Гулмаҳмадзода дар мулоқоти Вазири корҳои хориҷии Федератсияи Русия Сергей Лавров бо сафирони кишварҳои аъзои Иттиҳоди Давлатҳои Мустақил иштирок намуд. Дар ин хусус АМИТ «Ховар» бо истинод ба Сафорати Тоҷикистон дар Москва хабар медиҳад.
Дар ҷараёни мулоқот Вазири корҳои хориҷии Русия Сергей Лавров самаранокии раёсати Федератсияи Русияро дар Иттиҳоди Давлатҳои Мустақил дар соли 2024 ва дастгирии раёсати Тоҷикистон дар соли 2025 таъкид кард.
Зимни чорабинӣ фаъолияти муштарак дар соли 2024 дар қолаби Иттиҳоди Давлатҳои Мустақил ҷамъбаст гардида, тадбирҳо барои таҳкими минбаъдаи ҳамоҳангсозии сиёсати хориҷӣ, густариши ҳамкорӣ дар соҳаҳои иқтисодию тиҷоратӣ, фарҳангию гуманитарӣ, инчунин таъмини амнияти минтақавӣ мавриди баррасӣ қарор гирифтанд.
Ҳамзамон иштирокчиён оид ба масъалаҳои мубрами рӯзномаи минтақавӣ ва байналмилалӣ мубодилаи афкор карданд.
Дар вохӯрӣ Дабири кулли Иттиҳоди Давлатҳои Мустақил Сергей Лебедев низ иштирок намуд.
АКС: Сафорати Ҷумҳурии Тоҷикистон дар Федератсияи Русия
Байни ҳукуматҳои Тоҷикистон ва Ҷопон доир ба лоиҳаи «JDS» Ёддоштҳои табодулӣ ба имзо расиданд
Дурнамои рушди муносибатҳои минтақаҳои Тоҷикистон ва минтақаи Приморски Русия дар бахшҳои гуногун баррасӣ шуд
Вазири корҳои хориҷии Тоҷикистон бо сафири навтаъйини Ҷумҳурии Мардумии Чин мулоқот намуд
Дар Конфедератсияи Швейтсария имконоту зарфияти сайёҳии Тоҷикистон муаррифӣ гардид
Сафири Тоҷикистон бо ҳамватанони муқими ҳавзаи федералии Шарқи Дури Русия вохӯрӣ намуд
Давлатшоҳ Гулмаҳмадзода ва Сергей Кузнесов дурнамои ҳамкории дуҷонибаро баррасӣ намуданд
Рушди ҳамкории фарҳангии Тоҷикистон ва Эрон баррасӣ шуд
Дурнамои таҳкими ҳамкории гуногунсоҳаи Тоҷикистон ва Узбекистон баррасӣ карда шуд
Ҷалби сармоягузории Швейтсария ба бахшҳои калидии Тоҷикистон баррасӣ карда шуд
Дар Душанбе оид ба омодагӣ ба Форуми сармоягузорӣ дар соҳаи сайёҳӣ брифинг доир шуд
Дурнамои ҳамкории тиҷоратию иқтисодии Тоҷикистон ва Туркия баррасӣ гардид
Дипломатҳои ҷавони Тоҷикистон дониши худро оид ба ҳуқуқи байналмилалии башардӯстӣ такмил доданд
