НИШАСТИ МАТБУОТӢ. Агентии «Тоҷикстандарт» ба миқдори беш аз 1 миллион килограмм маҳсулоти гуногуни пастсифати ғизоиро ошкор намуд
ДУШАНБЕ, 03.02.2025. /АМИТ «Ховар»/. Соли 2024 аз ҷониби мутахассисони Агентии «Тоҷикстандарт» зимни гузаронидани санҷишҳо ба миқдори 1 миллиону 11 ҳазору 801 кг (соли 2023 1 миллиону 436 ҳазору 643 кг) маҳсулоти гуногуни пастсифати ғизоӣ ошкор гардид, ки як қисми ин маҳсулот аз ҷиҳати бехатарӣ (889 ҳазору 309 кг) ва қисми дигари он аз рўи тамғагузорӣ дар борҷомаашон (122 ҳазору 492 кг) ба талабот ҷавобгў набуданд. Чунин иброз намуд имрӯз зимни нишасти матбуотӣ директори агентӣ Темурҷон Абдулваҳҳобзода.
Тавре иттилоъ дода шуд, тибқи хулосаи озмоишгоҳҳои ташхисии маҳсулоти ғизоии Агентии «Тоҷикстандарт» аз рӯи сифату бехатарӣ ва тамғагузорӣ 50 ҳазору 906 кг маҳсулоти гӯштӣ, 157 ҳазору 111 кг равғани растанӣ, 27 ҳазору 434 литр нӯшокиҳои спиртӣ, 16 ҳазору 284 литр нӯшокиҳои ғайриспиртӣ, 24 ҳазору 159 кг маҳсулоти қаннодӣ, 14 ҳазору 802 кг маҳсулоти ширӣ, 352 кг иловагиҳои ғизоӣ, 6478 кг тухми мурғ, 134 008 кг намак, 101 923 кг маҳсулоти ғалладонагӣ, 140 ҳазору 284 кг орд, 16 ҳазору 599 кг консерва ва дигар маҳсулот, ки дар бозори дохилӣ ғайристандартӣ буданд, ошкор гардиданд. Нисбат ба фурӯшандагони ин маҳсулот тадбирҳои зарурӣ андешида шуданд.
«Тавассути гузаронидани вохӯрӣ ва машварат бо истеҳсолкунандагон, фурӯшандагон ва соҳибкорони воридкунандаи молу маҳсулот корҳои фаҳмондадиҳӣ оид ба риояи қоидаҳои савдо ва ҳимояи ҳуқуқи истеъмолкунандагон тақвият дода шуданд. Дар натиҷа аз ҷониби соҳибкорони масъулиятшинос ба Агентӣ барои нобудсозии маҳсулоти ғизоии муҳлати истеъмолиашон гузашта дархост ворид гардид. Аз ҷумла, аз ҷониби соҳибкорон тибқи дархост зиёда аз 225 000 кг маҳсулоти гуногуни хӯрокворӣ, ки муҳлати истеъмолашон гузаштааст, ба анбори нигоҳдории муваққатии Агентӣ супорида шуд»,-гуфт Темурҷон Абдулваҳҳобзода.
Зимни нишасти матбуотӣ иттилоъ дода шуд, ки дар самти ҳимояи ҳуқуқи истеъмолкунандагон, таъмини риояи талаботи ҳуҷҷатҳои меъёрии техникӣ дар раванди гузаронидани санҷиш ва назорати давлатӣ дар субъектҳои хоҷагидори ҷумҳурӣ аз ҷониби мутахассисони Агентӣ барои риоя накардани талаботи ҳуҷҷатҳои меъёрии техникӣ, фурӯши маҳсулоти пастсифат ва хатарнок, риоя накардани ҳуқуқи истеъмолкунандагон дар 7165 ҳолат ба маблағи умумии 2 миллиону 450 ҳазору 800 сомонӣ ҷарима таъйин ва ин маблағҳо ба буҷети давлатӣ пардохт карда шуданд.
Зарангези ЛАТИФ,
АМИТ «Ховар»
АКС: АМИТ «Ховар»
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
