НИШАСТИ МАТБУОТӢ. Донишгоҳи давлатии Кӯлоб бо зиёда аз 90 муассисаи таҳсилоти олии давлатҳои хориҷӣ ҳамкорӣ менамояд
ДУШАНБЕ, 04.02.2025 /АМИТ «Ховар»/. Донишгоҳи давлатии Кӯлоб ба номи Абуабдуллоҳи Рӯдакӣ соли 2024 бо зиёда аз 90 муассисаи таҳсилоти олии кишварҳои хориҷӣ ҳамкорӣ намуд. Дар ин хусус 3 феврал зимни нишасти матбуотӣ муовини якум, муовини ректор оид ба таълими ин донишгоҳ Эраҷ Абдусамадзода иттилоъ дод.
Ба иттилои Эраҷ Абдусамадзода, Донишгоҳи давлатии Кӯлоб бо ин донишгоҳҳо дар самтҳои табодули таҷриба, табодули дастовардҳои соҳаи таълим, табодули таҷриба дар соҳаи илм ва иштирок дар чорабиниҳои илмии якдигар ҳамкории судманд менамояд.
Дар давраи ҳисоботӣ донишгоҳ бо 16 муассисаи таҳсилоти олии касбии хориҷи кишвар, аз ҷумла Донишгоҳи давлатии омӯзгории Тошканд, Донишгоҳи давлатии иқтисодии Тошканд, Донишгоҳи давлатии забонҳои ҷаҳони Тошканд, Донишгоҳи давлатии техникии Узбекистон ба номи Ислом Каримов, Донишгоҳи давлатии Самарқанд ба номи Шароф Рашидов ва Донишгоҳи давлатии Ленинград ба номи А.С. Пушкин шартномаи ҳамкорӣ ба имзо расонид.
Иттилоъ дода шуд, ки соли 2024 24 омӯзгору донишҷӯи донишгоҳ ба хориҷи мамлакат барои табодули таҷриба, забономӯзӣ ва иштирок дар чорабиниҳои сатҳи байналмилалӣ рафтанд.
«16 декабри соли 2024 зимни баргузории ҳамоиши Дафтари миллии Эрасмус+ дар Тоҷикистон таҳти унвони «Рӯнамои барномаҳои Эрасмус+ имконият ва имтиёзҳо» Донишгоҳи давлатии Кӯлоб барои иштироки фаъолона дар татбиқи лоиҳаҳои грантии Эрасмус+ дар байни 48 муассисаи таҳсилоти олии касбии ҷумҳурӣ соҳиби Ҷоиза ва сертификати Иттиҳоди Аврупо дониста шуд»,-иброз дошт Эраҷ Абдусамадзода.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Доир ба нақши Президенти Тоҷикистон дар таҳкими Истиқлоли давлатӣ конфронс баргузор шуд
Намояндагони Парлумони Иттиҳоди Аврупо бо донишҷӯёни Академияи идоракунии давлатӣ мулоқот намуданд
Дар Донишгоҳи давлатии Кӯлоб Маркази омӯзиши ҳунарҳои мардумӣ таъсис дода шуд
Кормандони соҳаи маориф дар Остона оид ба таҳияи барномаҳои таълимӣ таҷриба омӯхтанд
Дар Ҷамоати деҳоти Дӯконии шаҳри Норак бинои муассисаи томактабӣ сохта мешавад
Дар Фархор бинои иловагии муассисаи таълимӣ мавриди истифода қарор дода шуд
Ба ҳайати омӯзгорон ва хонандагон дар ноҳияҳои Шоҳмансур ва Фирдавсӣ қонунҳо ва санадҳои меъёрии ҳуқуқӣ шарҳ дода шуданд
Дар Душанбе даври шаҳрии Озмуни ҷумҳуриявии «Омӯзгори соли Тоҷикистон-2025» идома дорад
Ҷаласаи ситоди даври сеюми Озмуни ҷумҳуриявии «Илм — фурӯғи маърифат» баргузор гардид
«Гимназияи ба номи Ҷалол Икромӣ»-и ноҳияи Ховалинг барои 456 хонанда дар як баст пешбинӣ шудааст
«ШОҲНОМАХОНӢ». Дар Кӯлоб барои баргузории озмуни ҷумҳуриявӣ ҳамоиш доир гардид
Доир ба Истиқлолияти давлатӣ ва рушди саноати миллӣ конференсияи ҷумҳуриявӣ баргузор шуд
