Доир ба ҳифзи пиряхҳо ва таъмини амнияти обӣ ҳамоиш баргузор шуд

Март 20, 2025 16:20

ДУШАНБЕ, 20.03.2025. /АМИТ «Ховар»/. Имрӯз дар шаҳри Душанбе бахшида ба Соли байналмилалии ҳифзи пиряхҳо (соли 2025) ва 21 март — Рӯзи байналмилалии ҳифзи пиряхҳо таҳти унвони «Ҳифзи пиряхҳо- асоси таъмини амнияти обӣ, озуқаворӣ, энергетикӣ ва экологӣ» конференсияи илмӣ — амалӣ баргузор гардид.

Тавре ба АМИТ «Ховар» аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд, ҳамоиш дар ҳамкорӣ  бо Институти масъалаҳои об, гидроэнергетика ва экологияи  Академияи миллии илмҳои Тоҷикистон доир шуд.

Дар конфронс олимону муҳаққиқони самти пиряхшиносӣ ва ҳифзи муҳити зист аз дохил ва хориҷи мамлакат доир ба ҳалли мушкилоти глобалии сайёра, тағйирёбии иқлим, обшавии пиряхҳо ва норасоии оби ошомиданӣ сухан гуфтанд.

Иброз гардид, ки Тоҷикистон таҳти роҳбарии Президенти мамлакат муҳтарам Эмомалӣ Раҳмон дар арсаи байналмилалӣ ҳамчун давлати ташаббускор, пешоҳанг ва таъсиргузор дар масъалаҳои марбут ба обу иқлим эътироф гардидааст. Қабул гардидани қарори Маҷмаи Умумии Созмони Милали Муттаҳид оид ба эълони соли 2025- Соли байналмилалии ҳифзи пиряхҳо ва 21 март Рӯзи ҷаҳонии пиряхҳо ин нуктаро бори дигар тасдиқ намуд.

Аҳамияти пиряхҳо дар таъмини ҳаёти инсоният ва экосистемаҳо ниҳоят бузург аст, зеро онҳо яке аз сарчашмаҳои асосии оби ошомиданӣ ва манбаи устувори муҳити зист ба ҳисоб мераванд. Боиси нигаронӣ аст, ки дар даҳсолаҳои охир бинобар таъсири тағйирёбии иқлим обшавии босуръати пиряхҳо ба мушоҳида мерасад, ки ин метавонад боиси камбуди об, тағйироти ҷиддии экологӣ ва таназзули иқтисодию иҷтимоии минтақаҳои гуногуни ҷаҳон гардад.

АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон

Март 20, 2025 16:20

Хабарҳои дигари ин бахш

Созмони Милали Муттаҳид (ЭСКАТО) қатъномаи Тоҷикистонро дар бораи ҳамкорӣ дар соҳаи об ва иқлим қабул кард
Президенти Пажуҳишгоҳи оби Туркия ба Конфронси байналмилалии сатҳи баланд оид ба ҳифзи пиряхҳо даъват шуд
Дар шаҳри Хуҷанд таҳти унвони «Пирях — манбаи оби ширин» озмун доир шуд
Намояндагони доимии кишварҳои ИДМ аз баргузории Конфронси байналмилалии сатҳи баланд оид ба ҳифзи пиряхҳо иттилоъ доданд
ҲИФЗИ ПИРЯХҲО. Омили асосии обшавии босуръати пиряхҳо дар замони муосир ин гармшавии глобалии иқлим мебошад
ТАҒЙИРЁБИИ ИҚЛИМ. Чаро ҳар яки мо бояд дарахт шинонем?
Дар Боку омодагӣ ба Конфронси байналмилалии сатҳи баланд оид ба ҳифзи пиряхҳо баррасӣ гардид
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Ҳайати Қатар дар Конфронси байналмилалии ҳифзи пиряхҳо дар Душанбе иштирок менамояд
РАВАНДИ ОБИ ДУШАНБЕ. Масъалаи омодагӣ ба Конфронси оби СММ-2028 дар Тоҷикистон баррасӣ гардид
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
Намояндаи Тоҷикистон бо муовини Котиби генералии Иттиҳоди байналмилалии алоқа мулоқот намуд