Анна Бйерде: «Бонки ҷаҳонӣ сохтмони Неругоҳи барқи обии «Роғун»-ро пуштибонӣ менамояд»
ДУШАНБЕ, 13.04.2025 /АМИТ «Ховар»/. 13 апрел Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Директори идорӣ оид ба фаъолияти амалиётии Бонки ҷаҳонӣ хонум Анна Бйерде ва Ноиби Президенти ҳамин бонк хонум Антонелла Бассаниро ба ҳузур пазируфтанд.
Баъд аз анҷоми мулоқот бо Президенти Ҷумҳурии Тоҷикистон муҳтарам Эмомалӣ Раҳмон хонум Анна Бйерде дар суҳбат бо намояндагони воситаҳои ахбори омма чунин изҳор дошт: «Имрӯз бо Президенти Ҷумҳурии Тоҷикистон муҳтарам Эмомалӣ Раҳмон суҳбати созандае оид ба масъалаҳои муҳими рушди иқтисодӣ, иҷтимоӣ ва энергетикии мамлакат доштем. Барои ман боиси хурсандист, ки бори дигар ба Тоҷикистон ташриф овардам. Дар мулоқот сатҳи ҳамкории созандаи байни Бонки ҷаҳонӣ ва Ҷумҳурии Тоҷикистон, ки беш аз се даҳсола идома дорад, натиҷагирӣ шуд. Ҳоло сандуқи лоиҳаҳои Бонки ҷаҳонӣ дар Тоҷикистон зиёда аз 3,3 миллиард доллари амрикоиро ташкил медиҳад, ки дар самтҳои рушди иқтисодӣ, инфрасохторӣ ва дигар бахшҳо амалӣ мешаванд».
Анна Бйерде таъкид намуд, ки яке аз самтҳои муҳими ҳамкорӣ коҳиш додани камбизоатӣ ва беҳтар намудани шароити зиндагии аҳолии Тоҷикистон дар шаҳрҳо ва деҳот мебошад. Вай инчунин таъкид намуд, ки лоиҳаҳо дар бахшҳои инфрасохтор, кишоварзӣ, рушди деҳот, таъмини об ва беҳдошт татбиқ мешаванд.
«Мо ҳамчунин ислоҳотеро, ки мамлакат амалӣ намуда истодааст, дастгирӣ мекунем. Бояд таъкид намуд, ки солҳои охир ҳаҷми истеҳсолот афзоиш ёфта, нақши бахши хусусӣ дар ташкили ҷойи нави кор ва ҷалби сармоягузорӣ бештар гардидааст», — илова намуд ӯ.
Хонум Бйерде ёдовар шуд, ки рӯзи гузашта бо ҷараёни корҳои сохтмонӣ дар Неругоҳи барқи обии «Роғун» шинос шуд. Ба андешаи ӯ, Бонки ҷаҳонӣ яке аз нуҳ шарики рушди Тоҷикистон мебошад, ки аз сохтмони ин неругоҳи бузург пуштибонӣ менамоянд.
«Неругоҳи барқи обии «Роғун» лоиҳаи муҳим дар бахши истеҳсоли энергияи «сабз» ба шумор рафта, на танҳо барои мардуми Тоҷикистон, балки барои тамоми минтақаи Осиёи Марказӣ аҳамияти бузург дорад. Умед дорем, ки шарикии мо ба марҳилаи нав ворид гардида, дар таҳкими рушди устувори мамлакат замина мегузорад», — гуфт дар анҷоми суханаш Анна Бйерде.
АКС: АМИТ «Ховар»
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
