Дар шаҳри Панҷакент боғи тамашк бунёд мешавад
ДУШАНБЕ, 09.04.2025 /АМИТ «Ховар»/. Дар канори токзори навбунёди хавозавии деҳаи Ғӯсари Ҷамоати деҳоти Лоиқ Шералӣ бо ибтикори Мақомоти иҷроияи ҳокимияти давлатии шаҳри Панҷакент нахустин боғи тамашк (малина) бунёд мешавад.
Тавре АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад, 6 апрел кишоварзон дар 20 ҳисса замин ба шинонидани ниҳоли ин меваи буттагӣ шуруъ намуданд.
Ниҳоли навъи интенсивии ин мева, ки аз тариқи хавоза парвариш карда мешавад, нисбат ба навъи маъмулӣ зудрас ва серҳосил буда, дар ҳамкорӣ бо кишоварзони ноҳияи Тайлоқи вилояти Самарқанди Ҷумҳурии Узбекистон дастрас шудааст.
Бояд гуфт, ки тамашк ба ҷуз хуштаъм буданаш хосияти давоӣ низ дорад. Он барои шамолзанӣ, коҳиши ҳарорати баланд, хуб намудани кори дилу рагҳо ва тоза кардани рагҳои хунгард истифода шуда, аз он шарбату мураббо низ омода менамоянд.
АКС: Мақомоти иҷроияи ҳокимияти давлатии шаҳри Панҷакент
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
