Дар шаҳри Турсунзода 4 ҳолати риоя накардани қонун ошкор карда шуд
ТУРСУНЗОДА, 15.04.2025 /АМИТ «Ховар»/. Дар шаҳри Турсунзода то имрӯз аз ҷониби аъзои комиссияҳои доимӣ ва ҷамъиятӣ барои татбиқи Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» 530 маротиба санҷишҳои муштарак гузаронида шуданд. Дар натиҷа вобаста ба риоя нагардидани талаботи ин қонун 4 ҳолати қонунвайронкунӣ ошкор гардида, барои андешидани тадбир ба Суди шаҳри Турсунзода пешниҳод карда шуд. Шумораи ҳолатҳои вайронкунии қонуни танзим нисбат ба ҳамин давраи соли 2024 1 адад зиёд мебошад. Дар ин хусус мудири бахши танзими ҷашну маросими шаҳри Турсунзода Олимҷон Солеҳзода ба хабарнигори АМИТ «Ховар» Субҳониддини Маҳмуд иттилоъ дод.
Ҳолатҳои вайронкунии қонуни танзим аз ҷониби комиссияҳои доимии Мақомоти иҷроияи ҳокимияти давлатии шаҳри Турсунзода дар ҷамоатҳои шаҳраку деҳот дар якҷоягӣ бо кормандони шуъбаи Вазорати корҳои дохилии Ҷумҳурии Тоҷикистон дар шаҳри Турсунзода ва кормандони Прократураи шаҳр ошкор гардидаанд.
Дар шаҳри Турсунзода то имрӯз 937 маърака сабт шудааст, ки инҳо 875 тӯйи домодию арӯсӣ, 34 маросими чил ва 28 маросими сол мебошанд. Дар шаҳр 10 комиссияи доимӣ ва 120 комиссияи ҷамъиятӣ фаъолият менамоянд, ки зимни санҷишҳо корҳои фаҳмондадиҳӣ мегузаронанд. То имрӯз дар зиёда аз 400 тӯю маърака пеши роҳи қонунвайронкуниҳо гирифта шуд.
Дар шаҳри Турсунзода барои татбиқи Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» аз тарафи гурӯҳҳои кории тарғиботӣ дар ҷамоатҳои шаҳраку деҳот 70 мулоқоту суҳбати фаҳмондадиҳӣ ва 2 машварати омӯзишӣ гузаронида шуд.
АКС: АМИТ «Ховар»
Беш аз 100 нафар ҷавонон аз Тоҷикистон ва дигар давлатҳо масъалаи ҳифзи пиряхҳоро баррасӣ менамоянд
Дар Душанбе маросими ҷоизасупорӣ ба ғолибони Озмуни ҷумҳуриявии «Малакаи касбӣ» баргузор шуд
Кумита оид ба таҳсилоти ибтидоӣ ва миёнаи касбии Тоҷикистон ва Институти ҷумҳуриявии таҳсилоти касбии Беларус ҳамкориро тақвият мебахшанд
Намояндагони Кумита оид ба таҳсилоти ибтидоӣ ва миёнаи касбӣ дар машварати байналмилалӣ дар Италия иштирок намуданд
Чаро дар Тоҷикистон чангу ғубор бештар ба мушоҳида мерасад?
МАВСИМИ ОББОЗӢ. Агар оббозӣ карда натавонед, кӯшиши ба об даромадан накунед
Ҳайати Тоҷикистон дар ҷаласаи Ассамблеяи ҷаҳонии тандурустӣ иштирок дорад
Лоиҳаҳои тандурустии Тоҷикистон дар ҷаласаи Бонки исломии рушд муаррифӣ шуданд
Ҷавонон бояд роҳи гузаштагони пурифтихорамонро бо омӯзиш ва аз худ кардани илмҳои замона идома диҳанд
Президенти Тоҷикистон: «Ҳамаи иқдом, дастгирию ғамхории Ҳукумати Тоҷикистон ба хотири соҳиби илму дониши муосир гардидани ҷавонон аст»
Ҳайати Тоҷикистон дар вохӯрии Иттифоқҳои касабаи давлатҳои Созмони ҳамкории Шанхай иштирок намуд
Эмомалӣ Раҳмон: «Ҳукумати мамлакат барои фаъолияти ҷавонон тамоми иқдоми заруриро амалӣ менамояд»
