Дар Тоҷикистон то 10 дараҷа паст шудани ҳарорати ҳаво пешгӯӣ мешавад
ДУШАНБЕ, 17.04.2025. /АМИТ «Ховар»/. Аз 17 то 19 апрел бо сабаби воридшавии анбӯҳи ҳавои сард ва намнок дар бештари минтақаҳои Тоҷикистон пастшавии ҳарорати ҳаво пешгӯӣ мешавад. Дар ин рӯзҳо ҳаво номусоид шуда, борон меборад, инчунин раъду барқ ва жола ба амал меояд. Дар ин хусус АМИТ «Ховар» бо истинод ба Агентии обуҳавошиносии мамлакат иттилоъ медиҳад.
Инчунин 18-19 апрел дар бештари ноҳияҳо бориши борони бошиддат дар назар буда, дар баъзе ноҳияҳо ба амал омадани раъду барқ ва жола пешгӯӣ мешавад. Дар ин рӯзҳо дар бештари ноҳияҳои ҷумҳурӣ, ба истиснои минтақаҳои баландкӯҳ пастшавии ҳарорати ҳаво то 10-15 дараҷа пешгӯӣ мешавад.
19 апрел дар баландиҳои зиёда аз 2000 метр аз сатҳи баҳр гузариши борон ба барф дар назар аст.
17-18 апрел шамол аз самти ғарб бо суръати то 9-14 ва дар ноҳияҳои алоҳида бо шиддати то 17-22 метр дар як сония мевазад. Дар ноҳияҳои ҷанубӣ ва марказии ҷумҳурӣ 17 апрел тӯфони чангу ғубор ба амал меояд.
17-19 апрел бо сабаби ба амал омадани бориши бошиддат дар дарёҳои Панҷ, Обихингоб, Сурхоб, Ёхсӯ, Қизилсӯ (ҷанубӣ), дарёҳои аз нишебиҳои ҷанубии қаторкӯҳҳои Ҳисор ҷоришаванда (Варзоб, Лучоб, Харангон, Элок) ва Зарафшон баландшавии сатҳи об аз эҳтимол дур нест.
Инчунин аз 17 то 20 апрел бинобар бориши пай дар пай ва бошиддати борон, ба истиснои шарқи Вилояти Мухтори Кӯҳистони Бадахшон дар баъзе минтақаҳои ноҳияҳои тобеи ҷумҳурӣ, вилоятҳои Суғду Хатлон ва ғарби Вилояти Мухтори Кӯҳистони Бадахшон ба амал омадани сел пешгӯӣ мешавад.
АКС: АМИТ «Ховар»
Доир ба пешгирии кирдорҳои коррупсионӣ конференсияи байналмилалӣ баргузор шуд
Сардори Раёсати робитаҳои байналмилалии Донишкадаи давлатии фарҳанг ва санъати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Орзуи миллионер шудан бо ZET-MOBILE воқеӣ аст
Дар Донишкадаи байналмилалии Хуҷанди Донишгоҳи байналмилалии сайёҳӣ ва соҳибкории Тоҷикистон сохтмони биноҳои нави таълимӣ оғоз шуд
Баланд бардоштани сатҳи таълиму тарбия дар Коллеҷи технологии Конибодом баррасӣ гардид
IRS: Ҳаракати тамоми намуди нақлиёт дар роҳи мошингарди Душанбе-Чанок таъмин аст
ИСТИФОДАИ САМАРАНОКИ ЗАМИН. Беш аз 300 гектар замини ноҳияи Айнӣ ба гардиши кишт ворид карда мешавад
Имрӯз дар Тоҷикистон борон ва барф меборад
Оид ба робитаи фалсафа бо зеҳни сунъӣ машварат баргузор шуд
Бахшида ба Рӯзи ҳуқуқи инсон дар Маркази тадқиқоти стратегӣ конфронс доир шуд
Раиси Маҷлиси намояндагон бо ҳайати комиссияи экспертии Агентии мустақили аккредитатсия ва рейтинг вохӯрӣ намуд
«ШОҲНОМА»-ТУҲФАИ БЕНАЗИРИ ПЕШВОИ МИЛЛАТ. Ба сокинони шаҳри Гулистон ин асари безавол тақдим мегардад
