Тоҷикистон Эронро аз муҳимтарин шарикони стратегии минтақавӣ дар Ховари Миёна медонад
ДУШАНБЕ, 16.04.2025 /АМИТ «Ховар»/. Ҳукумати Ҷумҳурии Тоҷикистон ба таҳкиму густариши ҳамкории бештар бо Ҷумҳурии Исломии Эрон таваҷҷуҳи хосса зоҳир намуда, ин кишвари бо мо дӯсту ҳамзабонро яке аз муҳимтарин шарикони стратегии минтақавӣ дар Ховари Миёна арзёбӣ менамояд. Ин нукта дар мулоқоти ҳайати Ҷумҳурии Исломии Эрон таҳти роҳбарии муовини корҳои байналмилалӣ ва ҳамкории минтақавӣ, муовини аввали Президенти Ҷумҳурии Исломии Эрон Алӣ Наҷафии Хушрудӣ бо Вазири энергетика ва захираҳои оби Ҷумҳурии Тоҷикистон Далер Ҷумъа дар Душанбе иброз гардид.
Ба АМИТ «Ховар» аз Вазорати энергетика ва захираҳои оби Ҷумҳурии Тоҷикистон иттилоъ доданд, ки мулоқот дар фазои дӯстона баргузор гардид. Вазири энергетика ва захираҳои оби Ҷумҳурии Тоҷикистон, раиси ҷониби тоҷикистонии Комиссияи муштараки
Тоҷикистону Эрон оид ба ҳамкории тиҷоратӣ, иқтисодӣ, техникӣ, илмӣ ва фарҳангӣ Далер Ҷумъа иброз дошт, ки гардиши савдои дуҷониба байни давлатҳо дар се моҳи соли равон 110,6 миллион долларро ташкил намуд. Ин нисбат ба ҳамин давраи соли 2024 33,2 миллион доллар зиёд мебошад.
Моҳи майи соли 2025 дар Ҷумҳурии Исломии Эрон баргузории ҷаласаи 17-уми Комиссияи муштараки Тоҷикистону Эрон оид ба ҳамкории тиҷоратӣ, иқтисодӣ, техникӣ, илмӣ ва фарҳангӣ дар назар аст. Дар доираи он ҳамкории дуҷониба боз ҳам тақвият меёбад.
Алӣ Наҷафӣ ба имзо расидани Эъломияи Хуҷанд доир ба дӯстии абадӣ миёни ҷумҳуриҳои Тоҷикистон, Қирғизистон ва Узбекистонро истиқбол намуда, иброз дошт, ки санади мазкур на танҳо барои ин кишварҳо, балки барои минтақа низ аҳамияти хеле муҳим дорад.
Изҳори умед карда шуд, ки бо иродаи қавии роҳбариятии олии давлатҳо – Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Ҷумҳурии Исломии Эрон муҳтарам Масъуди Пизишкиён муносибатҳои дуҷонибаи ду давлати бо ҳам дӯсту бародар дар оянда низ таҳкиму тавсеа меёбанд.
АКС: Вазорати энергетика ва захираҳои оби Ҷумҳурии Тоҷикистон
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
