Ҳайати Тоҷикистон дар ҷаласаи солонаи Гурӯҳи Бонки исломии рушд иштирок дорад
ДУШАНБЕ, 20.05.2025. /АМИТ «Ховар»/. Дар доираи ҷаласаи солонаи Гурӯҳи Бонки исломии рушд, ки аз 19 то 22 май дар Ҷумҳурии Алҷазоир баргузор мегардад, вохӯрии ҳайати Тоҷикистон таҳти роҳбарии Вазири рушди иқтисод ва савдо Завқӣ Завқизода бо Президенти Гурӯҳи бонк Муҳаммад Сулаймон Ал-Ҷассер баргузор гардид. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Зимни вохӯрӣ ҷонибҳо ҷараёни иҷрои супоришҳо аз натиҷаи вохӯрии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо Президенти Гурӯҳи Бонки исломии рушд 10 июни соли 2024 ва мувофиқаҳои бадастомадаро вобаста ба лоиҳаҳои афзалиятноки мамлакат пайгирӣ намуданд.
Аз оғози ҳамкорӣ то имрӯз Гурӯҳи Бонки исломии рушд ба иқтисоди миллии Тоҷикистон дар маҷмуъ беш аз 916 миллион доллар маблағгузорӣ намудааст.
Бо хушнудӣ гуфта шуд, ки Бонки исломии рушд лоиҳаи маблағгузории сохтмони Неругоҳи барқи обии «Роғун»-ро дар ҳаҷми умумии 550 миллион доллар, аз ҷумла 150 миллион доллар аз ҳисоби худи бонк ва боқимонда 400 миллион доллар аз ҳисоби фондҳои рушди араб дастгирӣ намуд, ки раванди татбиқи он оғоз гардид.
Президенти Гурӯҳи бонк барои зиёд намудани маблағгузории лоиҳаҳо дар самтҳои пешниҳодгардида, инчунин тақвияти ҳамкории минбаъда изҳори омодагӣ намуд.
Вохӯриҳои ҳайати расмии Тоҷикистон дар доираи ҷаласаи солонаи Гурӯҳи Бонки исломии рушд бо дигар ташкилоти байналмилалии молиявӣ идома доранд.
АКС: Вазорати рушди иқтисод ва савдои Ҷумҳурии Тоҷикистон
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
