Байни Тоҷикистон ва Корея оид ба рушди соҳаи геология Ёддошти тафоҳум ба имзо расид
ДУШАНБЕ, 13.05.2025. /АМИТ «Ховар»/. Тавре қаблан иттилоъ додем, намояндагони соҳаи геологияи Тоҷикистон дар шаҳри Сеули Ҷумҳурии Корея дар Форуми байналмилалӣ оид ба минералҳои муҳим «INFOCM 2025» иштирок доранд.
Тавре аз Саридораи геологияи назди Ҳукумати Ҷумҳурии Тоҷикистон ба АМИТ «Ховар» хабар доданд, дар доираи ин форум байни Саридораи геологияи назди Ҳукумати Ҷумҳурии Тоҷикистон ва Институт оид ба илми Замин ва захираҳои минералии Ҷумҳурии Корея Ёддошти тафоҳум ба имзо расид.
Ҳадафи имзои ин ҳуҷҷати расмӣ табодули дониши илмӣ, техникӣ ва тақвияти иқтидори илмӣ-техникӣ оид ба заминшиносӣ дар соҳаи илми геологии Тоҷикистон ва Корея мебошад. Он метавонад муносибатҳои иқтисодӣ ва техникии тарафҳоро мустаҳкам намояд. Инчунин ҳамкорӣ дар соҳаи омӯзиши геологӣ метавонад ба тараққиёти илму техника ва баланд бардоштани малакаю дониши мутахассисони ҳарду ҷониб мусоидат намояд.
Дар доираи ин санад ҷонибҳо инчунин самтҳои тасвирбардории геологӣ ва харитасозии геологӣ, аз ҷумла таҳқиқоти геохимиявӣ ва геофизикии конҳои канданиҳои фоиданок, таҳқиқоти геофизикӣ барои баҳодиҳии захираҳои геологӣ, таҳқиқот оид ба муайян кардани нишондиҳандаҳои иктишофӣ ва пайдоиши маъданҳои муҳим, омӯзиши хатарҳои геологӣ, таҳқиқоти минералогӣ барои минералҳои муҳиму стратегӣ ва таҳқиқи муҳити зисти обҳои зеризаминиро амалӣ менамоянд.
АКС: Саридораи геологияи назди Ҳукумати Ҷумҳурии Тоҷикистон
То анҷоми соли 2025 дар Минтақаи озоди иқтисодии «Данғара» корхонаҳои нав ба фаъолият оғоз менамоянд
Натиҷаҳои Конфронси байналмилалии сатҳи баланд оид ба ҳифзи пиряхҳо дар Брюссел муаррифӣ карда шуд
Форуми сармоягузории Тоҷикистон ва Қирғизистон баргузор мегардад
Дар Душанбе самтҳои муҳими ҳамкории Тоҷикистон ва Чин дар соҳаи моликияти зеҳнӣ баррасӣ шуд
Гармхонаҳои инноватсионии шаҳри Леваканд фаъолияти босамар доранд
Намояндаи Тоҷикистон дар ҷаласаи Комиссияи панаврупоии СҶТ оид ба иқлим ва тандурустӣ иштирок намуд
Шуруъ аз 16 июн байни шаҳрҳои Душанбе ва Пекин парвозҳои мустақим анҷом дода мешаванд
Дар Хуҷанд Форуми байналмилалии «Имкониятҳои тиҷоратӣ, сармоягузорӣ ва дурнамои ҳамкорӣ» баргузор гардид
Дар Душанбе вобаста ба таҳия намудани санади Гурӯҳбандии лоиҳаҳои «сабз» ҷаласаи Гуруҳи корӣ доир шуд
ЗАХИРА БАРОИ ЗИМИСТОН. Дар шароити хона чӣ тавр бояд хушкмева тайёр намуд?
Дар минтақаҳои ҷанубу ғарби Тоҷикистон корҳои омӯзишӣ-геофизикӣ оғоз гардид
То моҳи июн дар Тоҷикистон дар беш аз 182 ҳазор гектар пунбадона кишт карда шудааст
