Дар шаҳри Қазвини Эрон фарҳанги Тоҷикистон муаррифӣ карда шуд
ДУШАНБЕ, 12.05.2025 /АМИТ «Ховар»/. 9-10 май дар шаҳри Қазвини Эрон Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ бо роҳбарияти вилоят ва шаҳри Қазвин, ҳамчунин бо фаъолони иқтисодии ин вилояти Эрон мулоқотҳо анҷом дод.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Исломии Эрон хабар доданд, дар мулоқот бо раиси вилояти Қазвин Маҳмуд Нӯзарӣ масъалаҳои марбут ба тавсеаи ҳамкорӣ дар соҳаҳои иқтисодию тиҷоратӣ, сармоягузорӣ, сайёҳӣ ва фарҳангии дуҷониба мавриди баррасӣ қарор гирифтанд.
Дар вохӯрӣ бо раиси шаҳри Қазвин Маҳдии Саббоғӣ масъалаи барқарорнамоии робитаҳои бародаршаҳрӣ байни Қазвин ва яке аз шаҳрҳои Тоҷикистон матраҳ гардид.
Дар мулоқот бо раиси Утоқи (Палатаи) бозаргонӣ, саноат, маъдан ва кишоварзии вилояти Қазвин Маҳдии Абдиён ва фаъолони иқтисодии вилоят зарфият ва тавонмандиҳои иқтисодию тиҷоратӣ ва сармоягузории Тоҷикистон муаррифӣ шуда, ҷонибҳо алоқамандии худро барои тақвияти ҳамкорӣ дар ин самтҳо баён карданд. Ҷониби эронӣ барои баргузории намоишгоҳи молу колои Қазвин дар Тоҷикистон дар ояндаи наздик изҳори алоқамандӣ намуд.
Ҳайати Сафорати Тоҷикистон дар шаҳри Қазвин дар барномаи «Панҷоҳбадар»-и ин шаҳр иштирок намуда, фарҳанги Тоҷикистонро муаррифӣ кард.
Дар ибтидои барнома Сафири Тоҷикистон роҷеъ ба муштаракоти фарҳангии ду мамлакат, бахусус ҷашни Наврӯз ва оинҳои дигари ниёгон, ки бо ибтикори Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар давлати соҳибистиқлоли тоҷикон эҳё гардида, бо шукуҳу шаҳомати хосса таҷлил мегардад, сухан гуфт. Ҳамзамон аз таҳкими рӯзафзуни ҳамкории гуногунсоҳаи Тоҷикистон ва Эрон изҳори ризоият намуд.
Сипас шоирони халқии Тоҷикистон Фарзона ва Озарахш, ҳамчунин шоирон ва адибони Қазвин шеърхонӣ намуданд.
Дар идома Муҳаммад Нузарӣ – устондори (раиси вилояти) Қазвин ба зарфияти иқтисодию сармоягузорӣ ва сайёҳии Қазвин ишора намуда, дар ин заминаҳо хоҳони ҳамкорӣ бо Тоҷикистон шуд.
Иҷрои барномаи мусиқӣ ба ҳамоиш анҷом бахшид.
Ҷашни «Панҷоҳбадар» ҳар сол баъди 50 рӯзи Наврӯз ба нияти фаровонии борон таҷлил шуда, рамзи ҳамбастагии инсон бо табиат аст.
АКС: Сафорати Ҷумҳурии Тоҷикистон дар Ҷумҳурии Исломии Эрон
28 нафар зинаи магистратураи Академияи миллии илмҳои Тоҷикистонро бо дипломи аъло хатм намуданд
Дар Академияи миллии илмҳои Тоҷикистон Озмоишгоҳи нави харитасозии радиатсионӣ ифтитоҳ гардид
Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
