Дар Тоҷикистон ҳаҷми боркашонӣ тавассути роҳи оҳан афзудааст
ДУШАНБЕ, 24.05.2025 /АМИТ «Ховар»/. Бино ба маълумоти Агентии омори назди Президенти Ҷумҳурии Тоҷикистон, дар моҳҳои январ-марти соли равон тавассути нақлиёти роҳи оҳан дар Тоҷикистон 1 миллиону 904,6 ҳазор тонна бор (бо назардошти боркунӣ, борфарорӣ ва транзити бор) ҳамлу нақл шудааст, ки нисбат ба ҳамин давраи соли 2024 12,8 фоиз зиёд аст. Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад.
Дар интиқоли байналмилалии борҳои мамлакат ҳиссаи нақлиёти роҳи оҳан калон аст. 71,8 фоизи ҳаҷми умумии боркашонии байналмилалӣ ба нақлиёти роҳи оҳан рост меояд.
Тавре Вазири нақлиёти мамлакат чанде қабл дар ҷаласаи васеи ҳайати мушовараи вазорат оид ба ҷамъбасти натиҷаҳои семоҳаи аввали соли 2025 изҳор дошт, Корхонаи воҳиди давлатии «Роҳи оҳани Тоҷикистон» бояд дар ҳамкорӣ бо шарикони рушд барои татбиқи лоиҳаҳои сохтмон ва таҷдиди парки роҳи оҳан ва таъмини содироти маҳсулоти кишоварзии мамлакат тадбирҳои муассир андешад.
Хотиррасон мешавем, ки Президенти Ҷумҳурии Тоҷикистон, муҳтарам Эмомалӣ Раҳмон дар семинар-машварати ҷумҳуриявӣ, ки 17 майи соли равон бо иштироки роҳбарони вазорату идораҳо, вилоятҳо ва шаҳру ноҳияҳои мамлакат дар ноҳияи Данғара доир гардид, ба Агентии содирот, Хадамоти гумрук, Корхонаи воҳиди давлатии «Роҳи оҳани Тоҷикистон», роҳбарони вилоятҳо ва шаҳру ноҳияҳо супориш доданд, ки содироти меваю сабзавоти барвақтиро ташкил намуда, дар ин самт бо роҳи таъсиси ситодҳо фаъолият намоянд.
АКС: Вазорати нақлиёти Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
