Стратегияи нав ва чаҳорчӯби сармоявии Бонки аврупоии таҷдид ва рушд қабул карда шуд
ДУШАНБЕ, 17.05.2025. /АМИТ «Ховар»/. Стратегияи нав ва чаҳорчӯби сармоявии Бонки аврупоии таҷдид ва рушд барои солҳои 2026–2030 қабул карда шуд. Дар ин хусус 15 май дар доираи ҷаласаи солонаи Бонки аврупоии таҷдид ва рушд ва ҷаласаи мудирони бонк, ки дар шаҳри Лондони Британияи Кабир баргузор гардид, иттилоъ доданд.
Тавре ба АМИТ «Ховар» аз Вазорати молияи Ҷумҳурии Тоҷикистон иттилоъ доданд, самтҳои афзалиятноки стратегияи нав аз дастгирии гузариш ба иқтисоди «сабз», тақвияти идоракунии иқтисодӣ, рушди сармояи инсонӣ ва истифодаи технологияҳои рақамӣ иборат мебошанд.
Дар доираи ин ҷаласа якчанд давлатҳои қитъаи Африқо ба узвияти бонк қабул карда шуданд.
Муовини якуми Вазири молияи Ҷумҳурии Тоҷикистон Юсуф Маҷидӣ иброз намуд, ки новобаста аз таъсири омилҳои берунӣ дар Тоҷикистон суботи макроиқтисодӣ таъмин гардида, сатҳи таваррум дар сатҳи муътадил нигоҳ дошта шуд.
Тоҷикистон аз Бонки аврупоии таҷдид ва рушд даъват ба амал овард, ки маблағгузориро барои рушди истеҳсоли неруи «сабз» ва баландбардории самаранокии энергетикӣ, инфрасохтори рақамӣ, беҳтарсозии низоми оби ошомиданӣ ва таъмини аҳолӣ бо оби тоза, инчунин навсозии роҳу пулҳо ва таҳкими пайвастагиҳои нақлиётии байниминтақавию байналмилалӣ, рушди иқтидори инсонӣ ва дастгирии корхонаҳои хурду миёна афзоиш диҳад.
АКС: Вазорати молияи Ҷумҳурии Тоҷикистон
СОЛҲОИ РУШДИ САНОАТ. Дар Суғд корхонаи ғанигардонии маъдани оҳан бунёд мегардад
Муҳаққиқи тоҷик технологияи бехатарии парвозҳоро таҳия намуд
Вохӯрии байналмилалии минтақавии роҳбарони таъминкунандаи хизматрасонии аэронавигатсионӣ дар минтақаи АвруОсиё доир шуд
Неругоҳҳои барқи обии «Норак» ва «Бойғозӣ» ба давраи зимистони солҳои 2025-2026 пурра омода мебошанд
Дар шаҳри Роғун бинои нави филиали «Амонатбонк» ба истифода дода шуд
Дурнамои ҳамкории Тоҷикистон ва Ҷопон дар соҳаи энергетика ва захираҳои об баррасӣ карда шуд
Ҳайати Вазорати молияи Тоҷикистон дар машварати байналмилалӣ оид ба нархгузории трансфертӣ иштирок намуд
Дар вилояти Суғд соҳаи саноати кӯҳӣ рушд меёбад
Ҷаласаи навбатии вазирони иқтисод ва савдои давлатҳои аъзои СҲШ дар Душанбе баргузор мегардад
Роҳбарони мақомоти гумруки ИДМ охири сентябр дар Душанбе ҷамъ меоянд
Намояндагони Хадамоти гумруки Тоҷикистон дар ҷаласаи хотимавии Барномаи БОМКА-10 иштирок намуданд
Дар шаҳри Кӯлоб терминали мусофирбарии «Гулбоғ» ба истифода дода шуд
