Масъалаҳои марбут ба тақвияти ҳамкорӣ дар самти ҷалби маблағҳои имтиёзноки иқлимӣ баррасӣ гардиданд
ДУШАНБЕ, 15.05.2025 /АМИТ «Ховар»/. Масъалаҳои марбут ба тақвияти ҳамкорӣ дар самти ҷалби маблағҳои имтиёзноки иқлимӣ, рушди соҳибкории хурду миёна ва татбиқи лоиҳаҳои муҳим дар соҳаҳои энергияи барқароршаванда, идоракунии захираҳои обӣ ва мутобиқшавӣ ба тағйирёбии иқлим дар мулоқоти муовини якуми Вазири молияи Ҷумҳурии Тоҷикистон Юсуф Маҷидӣ бо Ноиби Президенти Бонки аврупоии таҷдид ва рушд оид ба масъалаҳои сиёсат ва шарикӣ Марк Боуман 13 май дар шаҳри Лондони Британия Кабир баррасӣ гардиданд.
Тавре АМИТ «Ховар» бо истинод ба Вазорати молияи Ҷумҳурии Тоҷикистон хабар медиҳад, мулоқот дар доираи иштироки ҳайати Ҷумҳурии Тоҷикистон дар ҷаласаи солонаи Бонки аврупоии таҷдид ва рушд баргузор шуда, ҷониби Тоҷикистон ба роҳбарияти Бонки аврупоии таҷдид ва рушд барои саҳми муассир дар пешбурди ҳамкории мутақобил ва дастгирии татбиқи лоиҳаҳои стратегии ҷумҳурӣ миннатдории самимӣ иброз намуд.
Ҳамзамон аз ҷониби Бонки аврупоии таҷдид ва рушд хоҳиш карда шуд, ки ба раванди ҷалби маблағҳои созмонҳои молиявии байналмилалӣ ва донорҳои дуҷониба мусоидат намояд.
Ҷонибҳо барои густариши ҳамкории самаранок ва рушди ҳамкорӣ дар самти татбиқи лоиҳаҳои муштараки инноватсионӣ, аз ҷумла васеъ намудани барномаҳои дастгирии занону ҷавонон ва истифодаи васеи воситаҳои нави маблағгузорӣ изҳори омодагӣ намуданд.
АКС: Вазорати молияи Ҷумҳурии Тоҷикистон
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
