Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
ДУШАНБЕ, 30.05.2025 /АМИТ «Ховар»/. Имрӯз мулоқоти муовини Сарвазири мамлакат Дилрабо Мансурӣ бо ёрдамчии Дабири кулли ЮНЕСКО Лидия Артур Брито баргузор гардид.
Зимни мулоқот муовини Сарвазири мамлакат таъкид намуд, ки аз ҷониби ташкилоти бонуфузи байналмилалӣ — ЮНЕСКО ҷонибдорӣ ёфтани ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон оид ба эълон шудани соли 2025 ҳамчун Соли байналмилалии ҳифзи пиряхҳо мояи ифтихор ва рамзи ҳамкории муваффақи дуҷониба мебошад.
Иброз гардид, ки солҳои охир пешниҳоди як қатор номинатсияҳои фарҳангии миллӣ ба феҳристи ЮНЕСКО — аз ҷумла «Донишу таҷрибаҳои анъанавии истеҳсоли матоъҳои атласу адрас», «Тазҳиб – санъати зарҳалкорӣ» ва «Ҷашни Сада» — шаҳодати таваҷҷуҳи афзояндаи ҷомеаи ҷаҳонӣ ба фарҳанги ғании тоҷикон мебошад.
«Айни замон дар феҳристи муқаддамотии ЮНЕСКО 15 ёдгории таърихию фарҳангии Тоҷикистон, аз ҷумла Ҳулбук – пойтахти Хутали Қадим, ёдгориҳои Шоҳроҳи Абрешим, Қаторкӯҳҳои Фон, Мамнуъгоҳи Кусавлисай, Мамнуъгоҳи Дашти Ҷум, Мамнуъгоҳи Зоркӯл, Мақбараи Амир Ҳамза Ҳасти Подшоҳ, Шаҳркадаи қадимии Тахти Сангин, Шаҳри қадимии Байтудашт IV, Мақбараи Хоҷа Машҳад, Маъбади буддоии Аҷина-Теппа, Мақбараи Хоҷа Нашрон, Шаҳри қадимии Панҷакент, Мақбараи Муҳаммад Башоро ва Шаҳри қадимии Шаҳристон (Қаҳқаҳа) шомил мебошанд», — изҳор карда шуд дар мулоқот.
Муовини Сарвазири мамлакат таъкид намуд, ки ворид шудани номинатсияҳои миллӣ ба феҳристҳои ЮНЕСКО ба Тоҷикистон имконият медиҳад, ки фарҳанги миллиро дар сатҳи байналмилалӣ муаррифӣ намуда, унсурҳои беназири онро беҳтар ҳифз намояд ва ба рушди сайёҳӣ мусоидат кунад.
АКС: АМИТ «Ховар»
Бахшида ба ҷашни Наврӯз дар Академияи миллии илмҳои Тоҷикистон мусобиқаи шоҳмот баргузор гардид
Дар Китобхонаи миллии Тоҷикистон Рӯзи дарҳои боз баргузор мешавад
Чеварони хушсалиқаи шаҳри Кӯлоб барои Осорхонаи миллӣ калонтарин гулдӯзии мунаққашро омода намуданд
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
НАВРӮЗ — ҶАШНИ СУЛҲУ НАКУКОРӢ. Суратгузориши АМИТ «Ховар» аз иқдоми наврӯзӣ дар «Боғи ба номи Алишери Навоӣ»
Дар Бишкек Бозиҳои Делфии ҷавонони давлатҳои аъзои Созмони ҳамкории Шанхай доир мегардад
Дар Хонаи китоби Тоҷикистон кафедраи китобхонашиносӣ ва библиографишиносӣ ифтитоҳ гардид
«АЗ НАВРӮЗ ТО НАВРӮЗ». Дар Осорхонаи миллии Тоҷикистон намоиши анъанавӣ ифтитоҳ ёфт
Дар ноҳияи Данғара «Шаҳраки наврӯзӣ» ташкил карда шуд
Бахшида ба Рӯзи ҷаҳонии ҳифзи пиряхҳо ва ташаббусҳои ҷаҳонии Тоҷикистон дар соҳаи обу иқлим ва ҳифзи пиряхҳо конфронси миллӣ баргузор шуд
Оид ба тадбирҳои технологии ҳифзи пиряхҳо дар шароити тағйирёбии иқлим конференсияи ҷумҳуриявӣ доир гардид
Дар замони соҳибистиқлолии Тоҷикистон майдони фаъолияти матбуоти шаҳри Турсунзода фарох гардид
