«ТАМҒАИ ПИСАНДИДАИ ТОҶИКИСТОН-2025». Дар ин намоишгоҳ маҳсулоти 32 ширкату корхонаи ватанӣ муаррифӣ карда мешавад
ДУШАНБЕ, 15.05.2025 /АМИТ «Ховар»/. Имрӯз дар доираи Лоиҳаи «Тамғаи писандидаи Тоҷикистон-2025» дар Маҷмааи давлатии «Кохи Борбад» намоиш-фурӯши молу маҳсулоти ватанӣ оғоз ёфт, ки дар он молҳои истеҳсолӣ ва хизматрасонии ширкатҳои ватанӣ ба намоиш гузошта мешаванд.
Дар намоишгоҳ сокинон имкон доранд аз ширкату корхонаи ватанӣ маводи ғизоӣ ба мисли орд, равған, биринҷ, макарон, маҳсулоти гӯштӣ, аз ҷумла, гӯшти мурғ, навъҳои гуногуни ҳасиб ва ҳасибчаҳои хушмазза, маҳсулоти ширӣ, аз қабили шир, ҷурғот, сметана, қаймоқ, қанду шоколад, пистаю бодом, мағзу мавиз, донагӣ, шириниҳои лазиз, афшураю шарбатҳои табиӣ, обҳои газнок, собуну шампунҳои хушбӯй, маводи шустушӯию ороишӣ ва дорувориро бо нархҳои нисбатан дастрас харидорӣ намоянд.
Бояд гуфт, ки лоиҳаи «Тамғаи писандидаи Тоҷикистон» имсол 11- солагии худро бо ифтихор таҷлил менамояд. Давоми ин муддат лоиҳа беш аз 500 ширкати ватаниро ба мардум муаррифӣ намуда, дар шинохта шудани тамғаҳои истеҳсолии Тоҷикистон ва бою ғанӣ гардидани бозори истеъмолии мамлакат саҳми арзанда гузоштааст.
Иттилоъ дода шуд, ки ҳамасола ин намоишгоҳро 100 ҳазор нафар тамошо менамоянд. Давоми 11 соли фаъолият 70 фоизи корхонаю ширкатҳои иштирокчӣ бозори худро васеъ намудаанд.
Бо шарофати ин лоиҳа аксари ширкатҳое, ки қадамҳои нахустини худро бо «Тамғаи писандидаи Тоҷикистон» гузошта буданд, рушд намуданд. Онҳо имрӯз на танҳо дар дохил, балки берун аз ҷумҳурӣ низ шинохта шуда, маҳсулоти худро ба хориҷи мамлакат мебароранд.
Зимни ифтитоҳи намоиш-фурӯш иброз гардид, ки ширкати «Тайрон» бо мақсади дастгирии сиёсати иқтисодии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар доираи татбиқи амалии Солҳои рушди саноат (2022-2026) дар ҳамдастӣ бо Вазорати саноат ва технологияҳои нави мамлакат Лоиҳа-озмуни «Тамғаи писандидаи Тоҷикистон»-ро амалӣ менамояд.
«Тамғаи писандидаи Тоҷикистон» яке аз лоиҳаҳои муваффақи даврони истиқлол буда, ба намоиши муҳим дар ҳаёти иқтисодии мамлакат табдил ёфтааст. Ҳамасола даҳҳо корхонаю ширкатҳои хурду бузурги мамлакат дар ин лоиҳа-озмуни бонуфуз иштирок намуда, молу маҳсулот ва хизматрасонии гуногунро пешкаши доираи васеи истеъмолкунандагон менамоянд.
Намоиш-фурӯши молу маҳсулоти ватанӣ дар Маҷмааи давлатии «Кохи Борбад» то 17 май идома меёбад.
Шаҳлои САДРИДДИН,
АМИТ «Ховар»
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
