Тавсеаи ҳамкории Тоҷикистон ва Чин дар соҳаи саноат баррасӣ гардид
ДУШАНБЕ, 26.05.2025 /АМИТ «Ховар»/. Густариши ҳамкорӣ дар самтҳои афзалиятноки саноат ва технологияҳои нав дар мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир бо Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Си Шумин дар шаҳри Душанбе баррасӣ гардид, иттилоъ медиҳад АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон.
Ҷонибҳо таваҷҷуҳи махсусро ба тавсеаи робитаҳои тиҷоратию иқтисодӣ, ҷалби сармоягузорӣ ва татбиқи лоиҳаҳои муштарак равона намуданд, ки ҳадафи онҳо таҳкими иқтидори истеҳсолии Ҷумҳурии Тоҷикистон мебошад.
Вазири саноат ва технологияҳои нав Шералӣ Кабир аз сатҳи ҳамкории судманди дуҷониба изҳори қаноатмандӣ карда, сохторҳо ва ширкатҳои дахлдори Ҷумҳурии Мардумии Чинро барои иштирок дар нахустин Форуми байналмилалии нассоҷӣ ва Намоишгоҳи таҷҳизоти нассоҷӣ, ки моҳи июли соли равон дар Тоҷикистон баргузор мегардад, даъват намуд.
Дар анҷоми мулоқот ҷонибҳо барои таҳкиму тавсеаи минбаъдаи муносибатҳои шарикию дӯстона байни Ҷумҳурии Тоҷикистон ва Ҷумҳурии Мардумии Чин изҳори омодагӣ намуданд.
АКС: Вазорати саноат ва технологияҳои нави Ҷумҳурии Тоҷикистон
Ҳамкории Тоҷикистон бо Барномаи Рушди СММ дар доираи лоиҳаҳои муштарак муҳокима гардид
Дар Истаравшан оид ба истифодаи сарфакоронаи неруи барқ ҷаласа доир гардид
Ҷалби доираҳои соҳибкорию тиҷоратии Русия, Амрико, Покистон ва Беларус ба Форуми байналмилалии «Dushanbe Invest 2025» баррасӣ шуд
Мотосиклронҳои «Ралли Осиёи Марказӣ-2025»-ро дар Тоҷикистон истиқбол гирифтанд
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
Беш аз 94 фоизи ҳамлу нақли бор дар Тоҷикистон тавассути нақлиёти автомобилӣ таъмин карда мешавад
«S&P Global Ratings рейтинги соҳибихтиёрии қарзии Тоҷикистонро бо дурнамои «устувор» тасдиқ намуд
Омодагӣ ба Форуми байналмилалии «Dushanbe Invest 2025» бо сафирони Чин, Туркия ва Арабистони Саудӣ баррасӣ гардид
Татбиқи барномаҳои миллӣ ва Ҳадафҳои рушди устувор баррасӣ карда шуд
Кишти чигит бо усули обёрии зери плёнка дар Тоҷикистон беш аз 21 ҳазор гектарро ташкил медиҳад
Агентии инноватсия ва технологияҳои рақамӣ рамзи расмии «Солҳои рушди иқтисоди рақамӣ ва инноватсия»-ро муаррифӣ менамояд
Дар Душанбе рушди ҳамкории тиҷоратию иқтисодӣ байни Тоҷикистону Чин баррасӣ гардид
