«ТОҶИКОНА МЕПӮШЕМ!». Занону духтарони мақомоти гумруки Тоҷикистон дар иқдоми либоси миллӣ иштирок намуданд
ДУШАНБЕ, 25.05.2025 /АМИТ»Ховар»/. Занону духтарони Хадамоти гумруки назди Ҳукумати Ҷумҳурии Тоҷикистон дар иқдоми «Тоҷикона мепӯшем!» иштирок намуданд.
Ба АМИТ «Ховар» аз Хадамоти гумрук иттилоъ доданд, ки дар ин чорабинии фарҳангӣ, ки дар Муассисаи давлатии Боғи фарҳангӣ-фароғатии «Алишери Навоӣ» баргузор гардид, занону духтарони Хадамоти гумруки назди Ҳукумати Ҷумҳурии Тоҷикистон фаъолона иштирок карданд.
Ин иқдом бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон доир гардид.
Арҷгузорӣ ба фарҳангу анъанаҳои миллии тоҷикӣ, хусусан эҳёи либоси миллӣ — атласу адрас ва чакан, баланд бардоштани фарҳанги либоспӯшӣ, тарғибу ташвиқи либоси миллӣ ва коҳиши майли бегонапарастӣ аз ҳадафҳои асосии иқдоми «Тоҷикона мепӯшем!» мебошад.
Дар доираи он занону духтарон дар тамоми корхонаю муассисаҳо ба муддати се моҳ либоси миллӣ ба бар менамоянд.
Дар мақомоти гумрук низ тибқи ин ташаббус аз 1 март то 31 май ҳамаи занону духтарон либоси миллии тоҷикӣ ба бар менамоянд, ки ин иқдом ифодакунандаи эҳтиром ба ҳувияти миллӣ ва фарҳанги ғании тоҷикон мебошад.
АКС: Хадамоти гумруки назди Ҳукумати Ҷумҳурии Тоҷикистон
Маҷмуаи ашъори «Каманди зулф»-и Шоири халқии Тоҷикистон дар нашриёти «Орван»-и Теҳрон ба табъ расид
Бахшида ба 115-солагии Қаҳрамони Тоҷикистон Мирзо Турсунзода конференсияи ҷумҳуриявӣ баргузор мегардад
Намоиши ҷашнии «Тасвири шуҷоат ва мардонагии фарзандони тоҷик дар нигораҳои Осорхонаи миллӣ» ифтитоҳ шуд
Озмоишгоҳи энергетикаи гидрогенӣ сохта мешавад
21 ФЕВРАЛ — РӮЗИ БАЙНАЛМИЛАЛИИ ЗАБОНИ МОДАРӢ. Тоҷикистон баробарҳуқуқии забонҳоро эътироф менамояд
ТАРАННУМИ ИШҚ ДАР АШЪОРИ РОБИАИ БАЛХӢ. Дар Донишкадаи байналмилалии Левакант ҳамоиш доир шуд
Оид ба Хутали қадим чун пойгоҳи зуҳури забони тоҷикӣ ва тамаддуни бостонии минтақаи Осиёи Марказӣ ҳамоиш доир шуд
Эҳдо ба Пешвои миллат
Дар ноҳияи Нуробод намоиш-фурӯши китобҳои тозанашр доир гардид
Конференсияи илмию амалии ҷумҳуриявӣ ба мавзуи «Истиқлол, забонҳои модарӣ ва арҷгузорӣ ба онҳо» бахшида шуд
«ЯК МАТОВУ САД РАНГ». Фестивал-озмун имкон медиҳад, ки арзишҳои фарҳанги миллӣ ҳифз ва тарғиб карда шаванд
