Юсуф Маҷидӣ: «Ҷалби маблағ барои ҳифзи пиряхҳо омили асосии рушди устувори иқтисодиёт аст»
ДУШАНБЕ, 29.05.2025. /АМИТ «Ховар»/. Ҷалби маблағҳои устувор дар самти фаъолият ва лоиҳаҳо на танҳо ба ҳифзи пиряхҳо имкон медиҳад, балки устувории иқтисодиётро тавассути идоракунии оқибатҳои коҳишёбии пиряхҳо баланд мебардорад. Чунин иброз дошт муовини якуми Вазири молияи Тоҷикистон Юсуф Маҷидӣ имрӯз дар конфронсе, ки дар мавзуи «Кушодани ҷараёнҳои устувори маблағгузорӣ барои ҳифзи пиряхҳо ва устувории иқтисодӣ дар Тоҷикистон» дар шаҳри Душанбе баргузор гардид.
Тавре мухбири АМИТ «Ховар» хабар медиҳад, ҳамоиш дар доираи Конфронси байналмилалии сатҳи баланд оид ба ҳифзи пиряхҳо доир гардид. Дар он иброз шуд, ки ҷалби маблағ барои ҳифзи пиряхҳо омили асосии рушди устувори иқтисодиёт буда, ба таъсири афзояндаи тағйирёбии иқлим осебпазир аст.
Муовини якуми Вазири молияи Тоҷикистон Юсуф Маҷидӣ иброз дошт, ки тағйирёбии ҳарорат ва обшавии босуръати пиряхҳо тағйирёбии ҷараёни дарёҳоро зиёд намуда, боиси хушксолии тӯлонӣ, шиддат гирифтани офатҳои табиӣ ва баланд бардоштани талабот ба захираи об ва кори обанборҳо мегардад.
Вазорати молияи Тоҷикистон дар ҳамкорӣ бо Гурӯҳи Бонки ҷаҳонӣ чорабиниҳои муштаракро оид ба ҷалби ҷонибҳои ҷамъиятӣ ва хусусӣ баргузор карда, ноил шудан ба Ҳадафҳои рушди устуворро вобаста ба энергетика, амнияти озуқаворӣ, камбизоатӣ ва нақлиёти устувор таъмин менамояд.
Ёдовар мешавем, ки Ҷумҳурии Тоҷикистон аз имрӯз то 31 май мизбони Конфронси байналмилалии сатҳи баланд оид ба ҳифзи пиряхҳо мебошад. Он имконияти хуб барои муаррифии иқтидори илмӣ ва имконияти бунёдии Тоҷикистон дар масъалаи ҳифзи пиряхҳо арзёбӣ мегардад.
Моҳинави НАВРӮЗ,
АМИТ «Ховар»
АКС: АМИТ «Ховар»
Тоҷикистон ва Қатар роҳҳои густариши ҳамкорӣ дар соҳаи авиатсияи гражданиро баррасӣ карданд
Дар Тоҷикистон тайи ду даҳсолаи охир беш аз чор миллион ҷойи кор таъсис ва барқарор гардидааст
Дар Душанбе Муколамаи минтақавии кишварҳои Осиёи Марказӣ таҳти унвони «80 миллион нафар, 5 кишвар, 1 овоз» доир гардид
Дар Форуми байналмилалии «Хатлон инвест-2025» байни ширкату корхонаҳои истеҳсолию саноатӣ санадҳои нави ҳамкорӣ ба имзо мерасанд
Ҳайати Тоҷикистон дар ҷаласаи умумии солонаи аъзоёни Шабакаи байниидоравии Камден иштирок намуд
БАРНОМАИ КАБУДИРЗОРКУНӢ. Дар доираи ин барнома дар Тоҷикистон ҳудуди ду миллиард дарахт шинонида мешавад
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
Дар Маркази тадқиқоти стратегӣ вазъи соҳаи роҳу нақлиёт ва таҳлили сатҳи рақамикунонии соҳа баррасӣ гардид
Пулҳои коғазии ҷашнӣ бо арзиши номиналии 100 сомонӣ ба муомилот бароварда шуд
Даромади буҷети давлатӣ барои соли 2026 дар ҳаҷми 65 миллиард сомонӣ пешбинӣ шудааст
РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол мегардад
Дар Душанбе дар мавзуи «Пули сомонӣ-рукни давлатдории миллӣ» конфронси илмӣ-назариявӣ баргузор шуд
