Бонки рушди Созмони ҳамкории Шанхай таъсис дода мешавад
ДУШАНБЕ, 05.06.2025 /АМИТ «Ховар»/. Масъалаи таъсиси Бонки рушди Созмони ҳамкории Шанхай (СҲШ) дар вохӯрии вазирони молия ва роҳбарони бонкҳои марказии (миллии) кишварҳои аъзои СҲШ, ки дар Пекин таҳти раёсати ҷониби Чин баргузор гардид, баррасӣ шуд.
АМИТ «Ховар» бо истинод ба Бонки миллии Тоҷикистон итиилоъ медиҳад, ки дар ин вохӯрӣ аз Тоҷикистон муовини раиси Бонки миллии Тоҷикистон Сироҷиддин Икромӣ ба таври маҷозӣ иштирок намуд.
Тибқи иттилои манбаъ, дар нишаст ҷонибҳо вазъи сиёсию макроиқтисодии ҷаҳон ва пешбурди ҳамкории минтақавӣ дар самти буҷет ва молия (аз ҷумла, таъсиси платформаи маблағгузорӣ) ва шабакаи марказҳои таҳлилии СҲШ оид ба молия, рушди маблағгузории фарогири рақамиро баррасӣ намуданд.
Инчунин тавсеаи минбаъдаи истифодаи асъори миллии давлатҳои аъзои СҲШ дар бахши тиҷорат ва сармоягузории минтақавӣ ва ҳисоббаробаркуниҳои мутақобила дар доираи созмон, тадбирҳои рафъи мушкилоти фаромиллии пулию қарзӣ, таъмини амният, сулҳу субот дар минтақа, рушди иҷтимоиву иқтисодӣ ва тавсеа ёфтани ҳамкории тиҷоративу иқтисодӣ муҳокима гардид.
Иброз гардид, ки ба роҳ мондани ҳамкории самараноки иқтисодӣ, табодули таҷриба ва машваратҳои пайваста миёни давлатҳои аъзо оид ба ташкили механизми молиявӣ метавонад ба рушди устувори кишварҳо мусоидат намояд.
Дар идома барои таъсиси Бонки рушди СҲШ намояндагони кишварҳои аъзо қарори дахлдор қабул намуда, ҷиҳати татбиқи он омодагии хешро изҳор доштанд.
АКС: Бонки миллии Тоҷикистон
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
ҚУРБИ АСЪОР: 1 рубли русӣ аз 0.1145 то 0.1183 сомонӣ муқаррар шудааст
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
