Дар Душанбе оид ба тарбияи ватандӯстии шаҳрвандон ҳамоиш доир шуд
ДУШАНБЕ, 03.06.2025. /АМИТ «Ховар»/. Имрӯз дар Донишгоҳи технологии Тоҷикистон доир ба тарбияи ватандӯстии шаҳрвандон-василаи таҳкими давлатдории миллӣ, пешгирӣ аз исрофкорӣ, экстремизм ва терроризм ҳамоиш баргузор шуд, хабар доданд ба АМИТ «Ховар» аз ин донишгоҳ.
Ректори донишгоҳ Зоир Раҳмонзода иброз намуд, ки мавзуи тарбияи ватандӯстии шаҳрвандон аз масъалаҳои калидӣ маҳсуб шуда, Ҳукумати Тоҷикистон барои тақвияти чораҳо дар ин самт барномаҳои гуногун қабул намуда, мавриди татбиқ қарор додааст.
«Паёми Президенти Ҷумҳурии Тоҷикистон ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024 ҳамчун санади стратегӣ ва барномаи воқеии рушди миллӣ қабул шудааст. Он дар самти баланд бардоштани сатҳи маърифати сиёсиву ҳуқуқии шаҳрвандон, бахусус ҷавонон, нақши муҳим мебозад. Ҷавонон бояд худшиносу ватандӯст бошанд ва ба ҳар гуна ақидаҳои ифротӣ муқовимати қавӣ нишон диҳанд», — афзуд ректори донишгоҳ.
Ҳамчунин иброз шуд, ки барои Тоҷикистони мустақил масъалаи тарбияи ватандӯстии шаҳрвандон ва ташаккули ҷаҳонбинии илмии ҷомеа масъулияти муҳим дониста мешавад. Зеро бо баланд бардоштани ҷаҳонбинӣ ва дониши илмии ҷомеа шароите муҳайё мегардад, ки шаҳрвандон дар амалисозии ҳадафҳои созандаву бунёдкоронаи давлату ҳукумати мамлакат мустақилонаю самаранок саҳм мегузоранд.
Дар ҳамоиш доир ба тарбияи ватандӯстии шаҳрвандон, ташаккулёбии ҷаҳонбинии инноватсионии ҷавонон, инчунин истифодаи самараноки неруи барқ мубодилаи афкор намуданд.
АКС: Донишгоҳи технологии Тоҷикистон
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
