Дар минтақаҳои ҷанубу ғарби Тоҷикистон корҳои омӯзишӣ-геофизикӣ оғоз гардид
ДУШАНБЕ, 12.06.2025. /АМИТ «Ховар»/. Имрӯз дар минтақаҳои ҷанубу ғарби Ҷумҳурии Тоҷикистон корҳои омӯзишӣ-геофизикӣ дар намуди сейсмоиктишофӣ бо усули 2D оғоз гардид. Корҳои омӯзишӣ-геофизикӣ дар доираи лоиҳаи «Бохтар» аз ҷониби Корпоратсияи миллии нафту гази Чин (CNPC) амалӣ мешавад.
Тавре аз Вазорати энергетика ва захираҳои оби Ҷумҳурии Тоҷикистон ба АМИТ «Ховар» хабар доданд, бахшида ба оғози марҳилаи нави корҳои сейсмоиктишофӣ ҳамоиш доир гардид. Иштирокдорони ҳамоиш нахуст аз намоиши дастгоҳу таҷҳизотеро, ки барои корҳои сейсмоиктишофӣ ва пармакунӣ истифода мешаванд, тамошо намуданд.
Вазири энергетика ва захираҳои оби Ҷумҳурии Тоҷикистон Далер Ҷумъа иброз дошт, ки ин раванд на танҳо оғози кор дар самти нафту газ мебошад, балки як марҳилаи нави рушди иқтисодӣ, ҷалби сармоягузорӣ ва истифодаи оқилонаи захираҳои табиии мамлакатамонро низ фаро мегирад.
«Аз соли 2024 инҷониб корҳои геологию геофизикӣ дар ҷанубу ғарби мамлакат оғоз гардид. Соли гузашта, корҳои магнито ва гравииктишофӣ дар масоҳати 15 400 километри мураббаъ ба маблағи умумии 7,4 миллион доллари Иёлоти Муттаҳидаи Амрико бо муваффақият анҷом дода шуданд»,-афзуд вазир.
Иттилоъ дода шуд, ки марҳилаи нави корҳои сейсмоиктишофӣ бо усули 2D дар масоҳати 1017 километр гузаронида мешавад. Корҳои сейсмоиктишофӣ бо усули 2D имкон медиҳад, то нуқтаҳои пармакунии ояндадор бо асоснокии илмӣ муайян гардад.
АКС: Вазорати энергетика ва захираҳои оби Ҷумҳурии Тоҷикистон
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
