Дар ноҳияи Восеъ ҷамъоварии ҳосили гандум идома дорад
ДУШАНБЕ, 18.06.2025. /АМИТ «Ховар»/. Дар ноҳияи Восеи вилояти Хатлон ҷамъоварии ҳосили гандум идома дорад. Аз ҷумла, дар хоҷагиҳои деҳқонии Миралиободи ноҳия аз 1421 гектар кишти зироати ғаладонагӣ то имрӯз 740 гектари он ҷамъоварӣ шудааст. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Восеъ иттилоъ доданд.
Кишоварзони ноҳияи Восеъ барои сари вақт ва беталаф ҷамъоварӣ намудани гандум тадбирҳои судманд андешида истодаанд. Айни замон дар хоҷагиҳои Ҷамоати деҳоти Миралиободи ноҳия 15 адад техникаҳои ғаладарав ба ҷамъоварии гандум машғул мебошанд.
Кишоварзони ноҳия барои пурсамар истифода бурдани замини корам нақша доранд, ки баъд аз ҷамъоварии ҳосили гандум дар ин заминҳо дони ҷуворимакка кишт намоянд.
Ба тавсия олимони соҳаи кишовразӣ, дар ноҳияҳои ҷануби мамлакат ҷамъоварии гандум аз моҳи май оғоз гардида, то моҳи июл идома меёбад. Агар кишовразон сари вақт гандумро ҷамъоварӣ накунанд, аз таъсири офтоб дони он сиёҳ мегардад. Дар ин ҳолат фоидаовари он нобуд шуда, барои коркард ва истеъмол тавсия дода намешавад.
Гандум яке аз навъҳои муҳимтарини зироати хӯрокворӣ аст. Дони гандум серғизо ва серкалория буда, онро аз ду сол зиёд захира карда мешавад.
Вилояти Хатлон яке аз минтақаҳои мувофиқ барои парвариши гандум мебошад.
АКС: АМИТ «Ховар»
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
