Дар Вазорати фарҳанг оид ба нақши муассисаҳои фарҳанг дар рушди маънавиёти ҷомеа ҳамоиш доир шуд
ДУШАНБЕ, 12.06.2025. /АМИТ «Ховар»/. Имрӯз дар Вазорати фарҳанги Ҷумҳурии Тоҷикистон ҳамоиши ҷумҳуриявӣ таҳти унвони «Нақши муассисаҳои фарҳанг дар рушди маънавиёти ҷомеа» баргузор гардид, хабар медиҳад АМИТ «Ховар» бо истинод ба Вазорати фарҳанги Ҷумҳурии Тоҷикистон.
Дар ҳамоиш иброз гардид, ки қасрҳо, хонаҳои фарҳанг ва муассисаҳои клубӣ яке аз маконҳои асосии фаъолияти бахшҳои фарҳанги шаҳру ноҳияҳо баҳри муаррифӣ ва таблиғи сиёсати фарҳангӣ ба шумор мераванд.
Муовини Вазири фарҳанги Ҷумҳурии Тоҷикистон Давлат Сафарзода иброз дошт, ки дар даврони соҳибистиқлолӣ аз ҷониби Ҳукумати Ҷумҳурии Тоҷикистон дар маркази шаҳру навоҳии мамлакат қасрҳои боҳашамати фарҳангӣ ва дигар иншооти таъиноти фарҳангӣ сохта, ба истифода дода шуданд. Бунёди боғҳои нави фарҳангӣ-фароғатӣ, қасрҳои тозабунёди фарҳанг, таъмини китобхонаҳо бо теъдоди зиёди адабиёти тозанашри ватанӣ ва осорхонаҳо дар замони соҳибистиқлолӣ аз нав эҳё ва бештар гардиданд.
Сардори Раёсати рушди муассисаҳои фарҳангӣ-фароғатӣ ва ҳунарҳои мардумии Вазорати фарҳанги Ҷумҳурии Тоҷикистон Хуршед Низомӣ афзуд, ки нақши муассисаҳои фарҳангӣ дар ташаккули зебопарастӣ, тарбияи ватандӯстии шаҳрвандони мамлакат, қабл аз ҳама наврасону ҷавонон мусоидат менамояд.
Ҳамчунин дар ҷараёни ҳамоиш ғолибони Озмуни ҷумҳуриявии осорхонаҳо таҳти унвони «Оинаи таърих» ва Озмуни ҷумҳуриявии муассисаҳои клубӣ — «Даргоҳи ҳунару маърифат», ки тибқи нишондоди «Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021–2025» доир шуданд, аз ҷониби Вазорати фарҳанги Ҷумҳурии Тоҷикистон қадрдонӣ шуданд.
АКС: Вазорати фарҳанги Ҷумҳурии Тоҷикистон
Дар Душанбе рӯзҳои фарҳангии шаҳру ноҳияҳои Тоҷикистон баргузор мегарданд
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
Академик Фарҳод Раҳимӣ: «Бунёди Маҷмааи эҳёи хотираи таърихӣ ва таҳкими ҳувияти миллӣ дар Душанбе аҳамияти бузурги сиёсӣ, иҷтимоӣ, фарҳангӣ ва маънавӣ дорад»
Дар Академияи миллии илмҳо нуктаҳои асосии Паёми Президенти Тоҷикистон шарҳ дода шуд
ПЕШВОИ МИЛЛАТ — ЭҲЁГАРИ НАВРӮЗ. Пас аз Истиқлоли давлатии Тоҷикистон Наврӯз дар сатҳи байналмилалӣ ҷойгоҳ пайдо намуд
Соли 2025 — соли афзоиши устувори истифодабарандагон ва тақвияти нуфузи АМИТ «Ховар» дар фазои рақамӣ
Дар Тоҷикистон охири моҳи январ ҷашни Сада таҷлил мегардад
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихию фарҳангӣ маъракаи тозагӣ, ободонӣ ва ниҳолшинонӣ идома дорад
«КАДБОНУИ БЕҲТАРИН». Моҳи апрел дар Тоҷикистон озмуни ҷумҳуриявӣ баргузор мешавад
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
