Донишгоҳи давлатии ҳуқуқ, бизнес ва сиёсати Тоҷикистон бо Донишгоҳи давлатии забонҳои хориҷии Сиани Чин лоиҳаҳои инноватсиониро амалӣ менамоянд
ДУШАНБЕ, 20.06.2025. /АМИТ «Ховар»/. 19 июни соли равон дар шаҳри Душанбе вохӯрии роҳбарияти Донишгоҳи давлатии ҳуқуқ, бизнес ва сиёсати Тоҷикистон бо роҳбарияти Донишгоҳи давлатии забонҳои хориҷии Сиани Ҷумҳурии Мардумии Чин баргузор гардид, ки зимни он ҷонибҳо татбиқи лоиҳаҳои инноватсиониро мавриди баррасӣ қарор доданд. Дар ин хусус АМИТ «Ховар» бо истинод ба Донишгоҳи давлатии ҳуқуқ, бизнес ва сиёсати Тоҷикистон хабар медиҳад.
Зимни вохӯрӣ ректори Донишгоҳи давлатии ҳуқуқ, бизнес ва сиёсати Тоҷикистон Шероз Мӯминзода аз рушди ҳамкории мавҷуда бо муассисаҳои таҳсилоти олии кишвари Чин ёдовар шуда, таваҷҷуҳи хосаи донишгоҳро ба густариши робитаҳои илмию таълимӣ таъкид намуд.
Ҷонибҳо дар вохӯрӣ масъалаҳои муҳими тақвияти ҳамкории байналмилалиро мавриди баррасӣ қарор дода, дар самтҳои мубодилаи академии донишҷӯёну устодон, татбиқи барномаҳои таҳсилоти дуалӣ, ташкили конференсияҳо ва форумҳои муштарак, инчунин таҳияи барномаҳои муштараки таълимӣ табодули афкор намуданд.
Шероз Мӯминзода изҳор дошт, ки роҳбарияти донишгоҳ ба густариши робитаҳо бо муассисаҳои таҳсилоти олии Ҷумҳурии Мардумии Чин афзалият дода, татбиқи лоиҳаҳои муштаракро аз самтҳои муҳими стратегӣ мешуморад.
Роҳбари Донишгоҳи давлатии забонҳои хориҷии Сиан профессор У. Яоу омодагии донишгоҳи худро ҷиҳати таҳкими ҳамкории илмӣ ва таълимӣ изҳор намуда, пешниҳоди татбиқи лоиҳаҳои инноватсиониро матраҳ сохт.
АКС: Донишгоҳи давлатии ҳуқуқ, бизнес ва сиёсати Тоҷикистон
Дар Донишгоҳи давлатии Кӯлоб барои донишҷӯёни варзишгар шароити мусоид фароҳам оварда шудааст
Даври ниҳоии Озмуни ҷумҳуриявии «Илм-фурӯғи маърифат» оғоз шуд
Дар Донишгоҳи давлатии Хоруғ Маркази таълимии «Иқтисоди сабз» таъсис дода шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
