Харитаи роҳи Ҳадафи 7-уми Рушди Устувор барои Тоҷикистон расман оғоз гардид
ДУШАНБЕ, 24.06.2025 /АМИТ «Ховар»/. Дар шаҳри Душанбе Харитаи роҳи Ҳадафи 7-уми Рушди Устувор барои Тоҷикистон расман оғоз гардид, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Маросими ифтитоҳи Харитаи роҳи Ҳадафи 7-уми Рушди Устувор барои Тоҷикистон дар ҳошияи Конфронси 3-юми байналмилалии «Дурнамои рушди энергетикаи барқароршаванда дар Ҷумҳурии Тоҷикистон» баргузор шуд.
Харитаи роҳ аз ҷониби Вазорати энергетика ва захираҳои оби Ҷумҳурии Тоҷикистон дар ҳамкорӣ бо Комиссияи иқтисодӣ ва иҷтимоии Созмони Милали Муттаҳид барои Осиё ва Уқёнуси Ором (UNESCAP) таҳия шудааст.
Дар маросими ифтитоҳи он муовини Вазири энергетика ва захираҳои оби Ҷумҳурии Тоҷикистон Манучеҳр Сафарзода иброз дошт, ки Харитаи роҳ барои татбиқи устувори Ҳадафи 7 дар кишвар аҳамияти калидӣ дорад ва ифтитоҳи он як қадами муҳими стратегӣ дар самти таҳкими амнияти энергетикӣ ва гузариш ба энергияи «сабз» мебошад.
Манучеҳр Сафарзода ба ташаббусҳо ва лоиҳаҳои амалкунандаи марбут ба рушди энергияи барқароршаванда дар кишвар ишора намуда, онҳоро омили муҳим барои ноил шудан ба ҳадафҳои гузошташуда арзёбӣ кард.
Харитаи роҳ тавсияҳоеро ҳамчун афзалиятҳо, аз ҷумла баланд бардоштани самаранокии энергетикӣ дар тамоми соҳаҳои иқтисодиёт, махсусан дар бахши манзил, бо мақсади коҳиши сарфаи захираҳои энергетикӣ, иваз намудани технологияҳои кӯҳнаи пухтупаз ва гармидиҳӣ бо технологияҳои самаранок ва муосир то ҳадди имкон бо таҷҳизоти барқӣ, диверсификатсия намудани манбаъҳои истеҳсоли неруи барқ тавассути афзоиши ҳиссаи манбаъҳои барқароршавандаи энергия дар маҷмуи таъминоти энергетикӣ, ки ба баланд бардоштани амнияти энергетикӣ ва то соли 2050 ба сифр баробар гардидани партовҳои карбон мусоидат менамояд, муайян намудааст.
Иҷрои ин тавсияҳо на танҳо ба таҳкими заминаҳои устувори энергетикӣ дар Тоҷикистон мусоидат хоҳад кард, балки ҳамчун намунаи муассири ҳамкорӣ дар сатҳи байналмилалӣ барои татбиқи амалии Ҳадафҳои Рушди Устувор арзёбӣ мегардад.
АКС: Вазорати энергетика ва захираҳои оби Ҷумҳурии Тоҷикистон
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
