Иштирокдорони Конфронси байналмилалии сатҳи баланд оид ба ҳифзи пиряхҳо тавассути VR айнакҳо пиряхҳои Тоҷикистон ва ҷаҳонро тамошо намуданд
ДУШАНБЕ, 02.06.2025 /АМИТ «Ховар»/. Агентии инноватсия ва технологияҳои рақамии назди Президенти Ҷумҳурии Тоҷикистон бо пешниӽоди як тарҳи инноватсионӣ ба зиёда аз 2600 нафар меҳмонони воломақом аз 90 кишвари ҷаҳон, ки дар Конфронси байналмилалии сатҳи баланд оид ба ҳифзи пиряхҳо дар шаҳри Душанбе (29-31 май) иштирок доштанд, холати кунунии пиряхҳои Тоҷикистон ва ҷаҳонро ба маърази тамошо гузошт.
Тавре мутахассиси пешбари Раёсати банақшагирӣ ва котиботи Агентии инноватсия ва технологияҳои рақамии назди Президенти Ҷумҳурии Тоҷикистон Беҳзод Додихудоев дар суҳбат бо хабарнигори АМИТ «Ховар» гуфт: «Агентӣ дар доираи намоишгоҳи байналмилалии сатӽи баланд оид ба ӽифзи пиряхҳо гӯшаеро бо тарҳи инноватсионӣ орост ва тавассути он бо васли экрани панелӣ бо намоиши сабтҳои кайҳонӣ раванди камшавии пиряхҳоро дар кураи Замин аз давраи соли 1984 то ин ҷониб нишон дод, ки меҳмонон ин равандро дар ҳолати муқаррарии сабти кайҳонӣ тамошо намуданд».
Ҳамзамон дар гӯшаи намоишӣ меҳмонон тавассути VR айнакҳо, ки сохти Олмон аст ва махсус аз ҷониби Агентии инноватсия ва технологияӽои рақамии назди Президенти Ҷумӽурии Тоҷикистон дастрас карда шудааст, наворҳо, ки дар шакли 360 дараҷа оид ба пиряхҳои Тоҷикистон, хусусан Ванҷях омода шудаанд, пешниӽоди иштирокчиён ва меӽмонони Конфронси байналмилалии сатӽи баланд оид ба ҳифзи пиряхҳо гардонида шуд.
Тавассути VR айнакӽо меӽмонону иштирокдорони ин чорабинии сатҳи баланд худро дар оғӯши манзараӽои ҷолибу нотакрори пиряхҳои Тоҷикистон ва ҷаҳон эҳсос намуданд. Онҳо аз тамошои зебоиҳои нотакрори кӯҳҳои пиряхпӯшидаи Тоҷикистон, олами бои набототу ҳайвоноти ин кишвари офтобрӯя ба ваҷд омаданд.
Ба андешаи ӽамсуӽбати мо, пешниӽоди ин тарҳи инноватсионӣ муаррифии ҳар чи бештари пиряхҳои Тоҷикистон ва ҷаҳон мебошад.
Марзия САИДЗОДА,
АМИТ «Ховар»
АКС: АМИТ «Ховар»
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
