Маркази таълимии забони кореягии Донишгоҳи технологии Тоҷикистон мутахассисони забондонро омода менамояд
ДУШАНБЕ, 17.06.2025 /АМИТ «Ховар»/. Ба хатмкунандагони даври омӯзишии Маркази таълимии забони кореягӣ ва омодасозии касбии назди Донишгоҳи технологии Тоҷикистон Шаҳодатномаи хатм супорида шуд. Ҳамзамон ба онҳо вобаста ба шарту шароити бокортаъминкунӣ дар хориҷи мамлакат маълумоти муфассал дода шуд.
Тавре аз Донишгоҳи технологии Тоҷикистон ба АМИТ «Ховар» хабар доданд, дар асоси Ёддошти тафоҳуми сеҷониба байни Вазорати саноат ва технологияҳои нави Ҷумҳурии Тоҷикистон, сохтори зертобеи вазорат — Донишгоҳи технологии Тоҷикистон ва Корпоратсияи EFC-и Ҷумҳурии Корея моҳи феврали соли равон дар Донишгоҳи технологии Тоҷикистон Маркази таълимии кореягии омодасозии касбӣ ифтитоҳ гардид. Даври омӯзишӣ дар доираи Ёддошти тафоҳуми сеҷониба ба роҳ монда шуд, ки тули се моҳ ба хоҳишмандон забони кореягӣ омӯзонида шуд.
Иброз гардид, ки Ҷумҳурии Тоҷикистон бо ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон дар самти сиёсати хориҷӣ «Сиёсати дарҳои боз»-ро пеш гирифтааст, ки маҳз барои таъмини манфиатҳои миллӣ, ҳифзи ҳуқуқи шаҳрвандони худ дар хориҷи мамлакат ва муаррифии давлат дар арсаи байналмилалӣ мебошад.
Дар ин замина Донишгоҳи технологии Тоҷикистон ҳамкории илмиву таълимӣ, табодули академӣ ва таҷрибавиро бо донишгоҳу донишкадҳо ва корхонаҳои Ҷумҳурии Корея ба роҳ мондааст.
АКС: Донишгоҳи технологии Тоҷикистон
Дар Донишгоҳи давлатии ҳуқуқ, бизнес ва сиёсати Тоҷикистон толори судӣ, клиникаи ҳуқуқӣ, марказҳои тестӣ ва забономӯзӣ фаъолият менамоянд
НИШАСТИ МАТБУОТӢ. Соли 2025 дар Донишгоҳи давлатии молия ва иқтисоди Тоҷикистон 15 ихтисоси нав таъсис ёфт
Донишгоҳи давлатии Кӯлоб омузгоронро барои ҳимояи рисолаи докторӣ бо 40 ҳазор сомонӣ қадрдонӣ менамояд
НИШАСТИ МАТБУОТӢ. Донишгоҳи байналмилалии сайёҳӣ ва соҳибкории Тоҷикистон ба радифи донишгоҳҳои беҳтарини ҷаҳон дохил гардид
Дар Донишгоҳи давлатии Хуҷанд 24 ихтисоси нав таъсис ёфт
Соли 2025 омӯзгорони муассисаҳои таҳсилоти миёнаи умумӣ беш аз 5 ҳазор нафар зиёд шуданд
Дар Донишгоҳи давлатии Хуҷанд оид ба нуктаҳои Паёми Президенти Тоҷикистон конференсияи ҷумҳуриявӣ доир шуд
Омӯзгорони муассисаҳои таълими шаҳру ноҳияҳои вилояти Суғд бо низоми имтиҳонҳои марказонидаи дохилшавӣ шинос мешаванд
Паёми Президенти Тоҷикистон — роҳнамои рушди ҷумҳурӣ дар шароити мураккаби ҷаҳони муосир
Таҳкими ҳамкории Донишгоҳи байналмилалии сайёҳӣ ва соҳибкории Тоҷикистон бо ТИКА баррасӣ карда шуд
НИШАСТИ МАТБУОТӢ. «Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026-2030» омода гардид
Дар Тоҷикистон теъдоди муассисаҳои томактабӣ меафзояд
