Тоҷикистон барои воридоти смартфонҳо ва телефонҳои мобилӣ 20% боҷи гумрукӣ ҷорӣ менамояд
ДУШАНБЕ, 20.06.2025. /АМИТ «Ховар»/. Шуруъ аз 1 июли соли 2025 дар Тоҷикистон барои ворид намудани смартфонҳо ва телефонҳои мобилӣ 20% боҷи гумрукӣ ситонида мешавад. Дар ин хусус АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон иттилоъ медиҳад.
Ин тасмим тибқи Қарори Ҳукумати Ҷумҳурии Тоҷикистон аз 10 июни соли 2025, №346 гирифта шудааст. Тибқи қарори мазкур ситонидани боҷи гумрукӣ барои тамоми дастгоҳҳои дорои рамзи молии 8517130000 ва 8517140000 тибқи таснифоти рамзи молии фаъолияти иқтисоди хориҷӣ ҷорӣ карда мешавад. Яъне сухан дар бораи смартфонҳо ва дастгоҳҳои телефонҳои мобилии бе сим меравад.
Тибқи иттилои манбаъ, ҳамзамон барои воридоти телефонҳои мобилӣ, аз ҷониби Хадамоти гумруки назди Ҳукумати Ҷумҳурии Тоҷикистон пардохтҳои гумрукӣ, аз ҷумла 14% андоз аз арзиши иловашуда /ААИ/ аз арзиши дастгоҳ тибқи Кодекси андози Ҷумҳурии Тоҷикистон ва инчунин 10 доллар – хироҷи гумрукӣ тибқи Қарори Ҳукумати Ҷумҳурии Тоҷикистон №472 аз 2 декабри соли 2005 ситонида мешаванд. Инчунин телефонҳое, ки то 100 доллари амрикоӣ арзиш доранд, аз пардохти хироҷи гумрукӣ озод карда мешаванд.
Марзия САИДЗОДА,
АМИТ «Ховар»,
АКС аз манбаъҳои боз
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
