Агентии авиатсияи гражданӣ барои ишғоли ҷойҳои кории холӣ дар «Фурудгоҳи байналмилалии Душанбе» озмун эълон менамояд
ДУШАНБЕ, 03.07.2025. /АМИТ «Ховар»/. Агентии авиатсияи граждании назди Ҳукумати Ҷумҳурии Тоҷикистон бо мақсади ҷалби ҳарчи бештари мутахассисони варзидаю ҳирфаӣ дар соҳаи авиатсияи гражданӣ ва дар ин замина рушди соҳа, барои ишғоли ҷойҳои кории холӣ дар Ҷамъияти саҳҳомии кушодаи «Фурудгоҳи байналмилалии Душанбе» озмун эълон менамояд. Дар ин хусус АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон иттилоъ медиҳад.
Аз ҷумла, Ҷамъияти саҳҳомии кушодаи «Фурудгоҳи байналмилалии Душанбе» хоҳишмандонро ба вазифаи нозири муоинаи шуъбаи амнияти дохила ва муоинаи Хадамоти амнияти авиатсионӣ, инчунин ба вазифаи нозири бехатарии шуъбаи амнияти дохила ва муоинаи Хадамоти амнияти авиатсионӣ ба кор даъват менамояд.
Тибқи иттилои манбаъ, хоҳишмандоне, ки мехоҳанд дар оянда дар вазифаи нозири муоинаи шуъбаи амнияти дохила ва муоинаи Хадамоти амнияти авиатсионӣ, нозири бехатарии шуъбаи амнияти дохила ва муоинаи Хадамоти амнияти авиатсионии «Фурудгоҳи байналмилалии Душанбе» фаъолият намоянд, бояд маълумоти олӣ дошта бошанд, дар сафи Қувваҳои Мусаллаҳи Ҷумҳурии Тоҷикистон (барои мардҳо ҳатмӣ) хизмат намуда, собиқаи кор дар мақомоти қудратӣ, ҳамзамон дорои ҳолати хуби равонию ҷисмонӣ, ахлоқи неку писандида бошанд. Барои қабул ба кор дар вазифаҳои дар боло номбаршуда ба донандагони забонҳои хориҷӣ афзалият дода мешавад, синну соли довталабоне, ки дар озмун барои ишғоли вазифаҳои мазкур иштирок менамоянд, на бояд аз 40-сола боло бошад.
Ҳамзамон дар асоси ин озмун ҶСК «Фурудгоҳи байналмилалии Душанбе» хоҳишмандонро ба вазифаи корманди дастаи муҳофизат ва назорати Хадамоти амнияти авиатсионии фурудгоҳ даъват менамояд, ки талаботи тахассусӣ чунин аст: синну сол – то 40- сола, таҳсилоти олӣ, миёна ё миёнаи касбӣ-техникӣ, хизмат дар сафи Қувваҳои Мусаллаҳи Ҷумҳурии Тоҷикистон (ҳатмӣ), малакаи истифода аз силоҳи оташфишон, собиқаи кор дар мақомоти қудратӣ, таҷрибаи кор дар идораю корхонаи реҷавӣ, ҳолати хуби равонию ҷисмонӣ ва одоби неку писандида, донистани забони давлатӣ ва русӣ.
Ҳангоми интихоби мутахассисон дар озмун ба занон -довталабон афзалият дода мешавад. Хоҳишмандон имкон доранд, хуҷҷатҳои худро тавассути почтаи электронии Sab@airport.tj ба Хадамоти амнияти авиатсионии ҶСК «Фурудгоҳи байналмилалии Душанбе» то 31 июли соли 2025 пешниҳод намоянд.
АКС: Агентии авиатсияи граждании назди Ҳукумати Ҷумҳурии Тоҷикистон
EKHIZMAT.TJ. Ин портали ягонаи хизматрасониҳои давлатӣ ба шаҳрвандон 83 номгӯй хизматрасонии давлатӣ пешниҳод менамояд
НИШАСТИ МАТБУОТӢ. Қонунвайронкунии зиддиинҳисорӣ ба маблағи 3,5 миллион сомонӣ ошкор карда шуд
Муовини Сарвазири Тоҷикистон бо вазъи корҳои саҳроӣ дар ноҳияи Бобоҷон Ғафуров шинос гардид
Дурнамои тақвияти ҳамкории Тоҷикистон бо Хазинаи байналмилалии асъор дар соҳаи энергетика баррасӣ шуд
Иқтидору имконияти сармоягузории Тоҷикистон дар Форуми B5+1 дар Бишкек муаррифӣ гардид
Намояндаи Тоҷикистон дар Ассамблеяи умумии Созмони ҳамкории рақамӣ иштирок намуд
Дар теппаҳои шоҳроҳҳои Душанбе ва ноҳияҳои тобеи ҷумҳурӣ беш аз 106 ҳазор бех ниҳол шинонида шуд
Муовини Сарвазири Тоҷикистон бо фаъолияти кишоварзони шаҳри Исфара шинос гардид
Рушди ҳамкории тиҷоратии Ҷумҳурии Тоҷикистон ва Амороти Муттаҳидаи Арабӣ баррасӣ гардид
АФЗОИШИ ИЗОФАНАВИСИИ ЭНЕРГИЯИ БАРҚ БА СУРАТҲИСОБИ МУШТАРИЁН. Агентии назорати давлатии энергетикӣ дар ин хусус иттилоъ медиҳад
ТАЪСИРИ ОМИЛИ ИНСОНӢ. Бо рушди технологияҳои рақамӣ ва зеҳни сунъӣ он дар тамоми соҳаҳо ва ҳама гуна муносибатҳои молиявӣ коҳиш меёбад
Ҷаласаи панҷуми Кумитаи роҳбарикунандаи Барномаи дастгирии энергетикаи устувор баргузор гардид
