Ҳайати меҳмонон аз Муғулистон бо фаъолияти Неругоҳи барқи обии «Норак» шинос гардид
ДУШАНБЕ, 25.07.2025. /АМИТ «Ховар»/. 25 июл дар доираи сафари давлатии Президенти Муғулистон ба Тоҷикистон ҳайати меҳмонон аз Муғулистон ба шаҳри нурофарони Тоҷикистон — Норак рафта, бо фаъолияти Неругоҳи барқи обии «Норак» шинос шуд.
Ба меҳмонон иттилоъ дода шуд, ки Неругоҳи барқи обии «Норак» бо он ҷолиб аст, ки сарбанди аз сангу гил сохташудаи 300-метрааш баландтарин дар ҷаҳон мебошад. Обанбори истгоҳ низ хеле бузург буда, дарозии он 70 метр, масоҳати сатҳи об 98 километри мураббаъ ва ҳаҷми он 10,5 километри мукааб мебошад.
Таъкид гардид, ки дар бунёди ин иншооти бузурги стратегию энергетикӣ намояндагони 50 халқу миллатҳои гуногуни ҷаҳон саҳм гузоштаанд. Неругоҳи барқи обии «Норак» бо истеҳсоли неруи барқи аз лиҳози экологӣ тоза барои пешрафти саноати мамлакат заминаи мусоид фароҳам овард.
Меҳмонон аз пазироии самимии мардуми сарбаланди Тоҷикистон, боду ҳавои форам, ҳусни нотакрори табиати ин сарзамин ва обҳои мусаффои ҷонбахш таассуроти нек бардошта, Тоҷикистонро макони афсонавӣ номида, ба мардуми меҳмоннавозии он баҳои баланд доданд.
Ёдовар мешавем, ки сафари давлатии Президенти Муғулистон ба Тоҷикистон аз 23 то 26 июл идома ёфта, зимни он мулоқоту музокироти сатҳи олӣ, имзои санадҳои нави ҳамкорӣ ва чорабиниҳои дигари муҳим, аз ҷумла ҳамоиши тиҷоратию сармоягузорӣ ва рӯзҳои фарҳанги Муғулистон дар Тоҷикистон баргузор шуданд.
АКС: Хадамоти матбуоти Раиси шаҳри Норак
Оид ба масъалаҳои идоракунии молияи давлатӣ ҷаласа доир гардид
Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
Хизматрасониҳои нави электронии андоз ҷорӣ карда шуданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Дар Душанбе ҷаласаи ҷашнии Шурои нозирони Созмони ҳамкории роҳҳои оҳан баргузор мешавад
Азнавбарқароркунии мусофирбарӣ тавассути роҳи оҳан дар хатсайри «Душанбе — Москва» баррасӣ карда шуд
Муовини Сарвазири Тоҷикистон дар ноҳияҳои Хатлон бо корҳои саҳроӣ шинос шуд
Дар Тоҷикистон ҷамъоварии пиёзи барвақтӣ оғоз гардид
Дар Зафаробод дар беш аз 14 ҳазор гектар пунбадона кишт карда мешавад
«Маркази рақамикунонии соҳаи нақлиёт» соҳиби мақоми резиденти IT-Park Dushanbe шуд
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
