Ҳайати Тоҷикистон дар ҷаласаи Шабакаи зиддикоррупсионии Созмони Ҳамкории Иқтисодӣ ва Рушд барои кишварҳои Аврупои Шарқӣ ва Осиёи Марказӣ иштирок намуд
ДУШАНБЕ, 09.07.2025. /АМИТ «Ховар»/. Ҳайати Ҷумҳурии Тоҷикистон таҳти роҳбарии Директори Агентии назорати давлатии молиявӣ ва мубориза бо коррупсия Сулаймон Султонзода дар ҷаласаи пленарии Шабакаи зиддикоррупсионии Созмони Ҳамкории Иқтисодӣ ва Рушд барои кишварҳои Аврупои Шарқӣ ва Осиёи Марказӣ, ки аз 7 то 9 июл дар шаҳри Парижи Фаронса баргузор гардид, иштирок намуд. Дар ин хусус ба АМИТ «Ховар» аз Агентии назорати давлатии молиявӣ ва мубориза бо коррупсия хабар доданд.
Дар доираи ин чорабинии сатҳи баланд ҷаласаи 24-уми мониторинги Нақшаи амалиёти Истанбул оид ба мубориза бар зидди коррупсия ва ҷаласаи 30-юми Гурӯҳи роҳбарикунандаи шабака баргузор шуданд.
Дар ҷаласаи мониторингӣ гузоришҳои навбатии марҳилаи панҷуми мониторинги ҷумҳуриҳои Арманистон, Озарбойҷон, Молдова ва Украина баррасӣ гардиданд. Ин гузоришҳо дар доираи Нақшаи амалиёти Истанбул таҳия шуда, вазъи амалисозии тавсияҳои қаблиро дар самти мубориза бо коррупсия арзёбӣ намуданд.
Дар идома Гурӯҳи роҳбарикунандаи шабака масъалаи татбиқи Барномаи кории шабака барои солҳои 2023–2026-ро мавриди баррасӣ қарор дода, муҳокимаи самтҳои стратегии он барои давраи солҳои 2027–2030-ро оғоз намуд.
Инчунин дар доираи чорабинӣ ҷаласаи муколамаи минтақавӣ оид ба масъалаҳои поквиҷдонӣ дар соҳаи тиҷорат баргузор гардид.
Иштирокчиён изҳори итминон намуданд, ки натиҷаҳои чорабинӣ ба таҳкими муборизаи муштарак бар зидди коррупсия ва пешбурди принсипҳои поквиҷдонӣ дар минтақа ва сатҳи байналмилалӣ заминаи мусоид фароҳам меоранд.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Масоили марбут ба ташаккули омори соҳаи технологияҳои иттилоотию коммуникатсионӣ баррасӣ гардид
Директори генералии Хазинаи Қатар оид ба рушд бо ҷараёни корҳои сохтмонӣ дар НБО «Роғун» шинос шуд
Байни Тоҷикистон ва Хазинаи Қатар оид ба рушд Созишномаи қарзи имтиёзнок барои сохтмони НБО «Роғун» ба имзо расид
Дар Москва ҷаласаи навбатии коршиносони Шурои роҳбарони хадамоти гумруки ИДМ баргузор гардид
Тоҷикистон ва Чин барои бунёди роҳҳои дусатҳа дар шаҳри Душанбе ба мувофиқа расиданд
Донишгоҳи байналмилалии сайёҳӣ ва соҳибкории Тоҷикистон ҳамкориро бо ширкатҳои хориҷӣ тақвият мебахшад
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
Дар Агентии авиатсияи гражданӣ гардиши ҳуҷҷатҳои электронӣ пурра ба роҳ монда шуд
Ифтитоҳи парвозҳои мустақим дар самти Душанбе – Сиан ва Душанбе – Гуанҷоу баррасӣ гардид
«Стратегияи ҷалби сармоя ба Ҷумҳурии Тоҷикистон барои давраи то соли 2040» дар Шурои ҳамоҳангсози рушд муаррифӣ гардид
Тоҷикистон ва Чин ҳамкориро дар соҳаи инноватсия ва технологияҳои рақамӣ тақвият медиҳанд
Ҳамкории Тоҷикистон бо Барномаи Рушди СММ дар доираи лоиҳаҳои муштарак муҳокима гардид
