«Centrum Air» парвозҳои мустақимро дар масири Тошканд-Душанбе-Тошканд оғоз намуд
ДУШАНБЕ, 19.07.2025 /АМИТ «Ховар»/. Имрӯз ширкати ҳавопаймоии «Centrum Air»-и Ҷумҳурии Узбекистон парвозҳои мустақимро дар масири Тошканд-Душанбе-Тошканд оғоз намуд, иттилоъ медиҳад АМИТ «Ховар».
Тавре аз Агентии авиатсияи граждании назди Ҳукумати Ҷумҳурии Тоҷикистон хабар доданд, парвозҳои мустақим дар масири Тошканд-Душанбе-Тошканд шуруъ аз 19 июли соли 2025 ҳафтае ду маротиба – рӯзҳои чоршанбе ва шанбе, дар самти Самарқанд-Душанбе-Самарқанд аз 20 июли соли 2025 ҳафтае ду маротиба – панҷшанбе ва якшанбе анҷом дода мешаванд.
Парвозҳои мустақим дар ин хатсайрҳо аз ҷониби ширкати ҳавопаймоии «Centrum Air» дар асоси Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Узбекистон оид ба алоқаи ҳавоӣ, ки 9 марти соли 2018 ба имзо расида буд, ба роҳ монда мешавад.
Ифтитоҳи ин парвозҳои мустақим дар ҳолест, ки 16 июни соли 2025 байни шаҳрҳои Душанбе ва Пекин парвозҳои мустақим аз ҷониби ширкати ҳавопаймоии «China Southern Airlines» амалӣ гардид.
Инчунин дар доираи ҳамкории авиатсисонии Ҷумҳурии Тоҷикистон ва Ҷумҳурии Мардумии Чин аз 1 июли соли 2025 ширкати ҳавопаймоии Ҷумҳурии Мардумии Чин «Chengdu Airlines» парвозҳои мусофиркашонии мустақимро дар самти Қошғар-Хуҷанд-Қошғар оғоз намуд. Ин тасмим бо мақсади васеъ намудани ҷуғрофиёи парвозҳо, рушди соҳаи авиатсияи гражданӣ ва ба кишвари транзитӣ табдил додани Тоҷикистон андешида шудааст.
Ёдовар мешавем, ки солҳои охир дар партави сиёсати дарҳои боз ва дастгириҳои доимии Роҳбарияти олии мамлакат шумораи хатсайрҳои байналмилалӣ аз Тоҷикистон ба кишварҳои хориҷӣ мунтазам афзоиш меёбад. Дар ин замина, хатсайрҳои нав байни Душанбе ва шаҳрҳои Истанбул, Дубай, Москва, Алмато, Тошканд, Деҳлӣ ва Теҳрон фаъол гардидаанд, ки дар муаррифии иқтидори транзитии мамлакат ва тақвияти робитаҳои иқтисодиву фарҳангӣ нақши муҳим доранд.
Агентии авиатсияи граждании назди Ҳукумати Ҷумҳурии Тоҷикистон дар оянда низ бо мақсади тақвияти рақобатпазирии соҳа ва фароҳам овардани шароити мусоид барои мусофирон ҳамкориро бо ширкатҳои ҳавопаймоии бонуфузи ҷаҳон идома дода, шумораи парвозҳои байналмилалиро пайваста зиёд мегардонад.
АКС: АМИТ «Ховар»
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
НИШАСТИ МАТБУОТӢ. Ҳаҷми умумии даромади буҷети давлатӣ 111,5 фоиз иҷро гардид
НИШАСТИ МАТБУОТӢ. Маҷмуи маҳсулоти минтақавии вилояти Хатлон ба 17,1 миллиард сомонӣ расид
Нақшаи ҷамъоварии пардохтҳои гумрукӣ дар Тоҷикистон дар сатҳи 112,2 фоиз таъмин гардид
НИШАСТИ МАТБУОТӢ. Дар шашмоҳаи якуми соли 2025 зиёда аз ҳазор ҳолати ҳуқуқвайронкунии маъмурии алоқаманд ба коррупсия ошкор карда шуд
Соҳибкорони бурунмарзӣ барои иштирок дар Форуми байналмилалии сармоягузории «Dushanbe Invest–2025» даъват шуданд
Байни Палатаи савдо ва саноати Тоҷикистон ва Ассотсиатсияи саноат ва тиҷорати Синҷон‑Уйғури Чин Ёддошти тафоҳуми ҳамкорӣ ба имзо расид
Масъалаи ифтитоҳи парвозҳои нав байни шаҳрҳои Тоҷикистон ва Туркия баррасӣ шуд
