Дар Донишгоҳи давлатии Бохтар ҳиссаи умумии омӯзгорони унвондор 36,3 фоизро ташкил медиҳад
ДУШАНБЕ, 27.07.2025 /АМИТ «Ховар»/. Дар назди Донишгоҳи давлатии Бохтар ба номи Носири Хусрав як литсейи вобаста, Институти илмӣ-таҳқиқотии табиатшиносӣ ва техникӣ, Маркази Мавлоношиносӣ, маркази касбомӯзӣ, се маркази забономӯзӣ, аз ҷумла марказҳои омӯзиши забонҳои англисӣ, русӣ, забон ва фарҳанги Корея фаъолият доранд. Дар баробари ин донишгоҳ дорои 14 факултет ва 45 кафедра мебошад. Чунин маълумот пешниҳод намуд ректори Донишгоҳи давлатии Бохтар Маҳмадалӣ Қурбонзода зимни нишасти матбуотӣ ба рӯзноманигорон.
«Ҳоло 621 омӯзгор дар донишгоҳ ба таълим ва таҳқиқ машғул мебошад. Аз ин шумора 21 нафар докторони илм ва профессорони доимӣ, 205 нафар дотсентону номзадони илм ва 395 нафар саромӯзгорону ассистентон мебошанд. Ҳиссаи умумии омӯзгорони унвондор дар донишгоҳ 36,3 фоизро ташкил медиҳад», — илова намуд Маҳмадалӣ Қурбонзода.
Тибқи маълумоти пешниҳодшуда, шумораи умумии донишҷӯёни донишгоҳ ба 15 ҳазору 281 нафар мерасад. Аз ин шумора 6748 нафар дар шуъбаи рӯзона, 8534 нафар дар таҳсилоти фосилавӣ ва 190 нафар дар зинаи магистратура таҳсил мекунанд. Ҳамзамон 7059 нафари онҳо духтарон мебошанд, ки 46,2 фоизи шумораи умумии донишҷӯёнро ташкил медиҳад.
Соли 2025 Донишгоҳи давлатии Бохтар тибқи раддабандии Агентии назорати давлатии соҳаи маориф тавонист мавқеи худро дар даҳгонаи беҳтарин муассисаҳои таҳсилоти олии касбии Тоҷикистон ҳифз намояд.
АКС: Донишгоҳи давлатии Бохтар ба номи Носири Хусрав
INTERNATIONAL JUNIOR SCIENCE OLYMPIAD (IJSO-2025). Хонандаи шаҳри Душанбе дар он соҳиби ҷойи сеюм гардид
«ИЛМ – ФУРӮҒИ МАЪРИФАТ». Ғолибони озмун аз Донишгоҳи техникии Тоҷикистон бо мукофотҳо қадрдонӣ карда шуданд
Ҳамкории Тоҷикистону Туркия дар самти таҳсилоти олӣ тақвият меёбад
Бо донишҷӯёни Донишгоҳи технологии Тоҷикистон барои бо шуғл фаро гирифтани онҳо вохӯрӣ баргузор шуд
«ШОҲНОМА-ГАНҶИНАИ ҲИКМАТУ ХИРАД». Дар ноҳияи Рӯдакӣ маҳфили илмӣ-адабӣ доир шуд
Дар Донишгоҳи байналмилалии забонҳои хориҷии Тоҷикистон рушди омӯзиши забонҳои хориҷӣ баррасӣ гардид
Дар Душанбе конференсияи байналмилалии «Математика дар ҷаҳони муосир» баргузор шуд
Дар Донишгоҳи давлатии омӯзгорӣ масоили муосири саноати мошинсозӣ ва маводшиносӣ баррасӣ гардид
Дар Донишгоҳи давлатии Хуҷанд омӯзиши забони фаронсавӣ баррасӣ гардид
Дар Академияи идоракунии давлатӣ оид ба таҷдид ва рушди фарҳанги миллӣ машварати илмӣ баргузор шуд
Донишгоҳи давлатии Хуҷанд ва Донишгоҳи почта ва телекоммуникатсияи Чунсини Чин Ёддошти тафоҳум ба имзо расониданд
Дар Донишгоҳи давлатии тиҷорати Тоҷикистон Стратегияи муқовимат ба терроризм ва экстремизм дар Ҷумҳурии Тоҷикистон баррасӣ гардид
