Дар Душанбе нахустин Форуми сармоягузории Тоҷикистону Муғулистон баргузор гардид
ДУШАНБЕ, 24.07.2025. /АМИТ «Ховар»/. Имрӯз дар шаҳри Душанбе дар доираи сафари давлатии Президенти Муғулистон Ухнаагийн Хурэлсух ба Ҷумҳурии Тоҷикистон нахустин Форуми сармоягузории Тоҷикистону Муғулистон баргузор гардид, иттилоъ медиҳад хабарнигори АМИТ «Ховар».
Дар кори форум муовини якуми Сарвазири Ҷумҳурии Тоҷикистон Ҳоким Холиқзода, муовини Сарвазири Муғулистон Сайнбуян Амарсайхан, роҳбарон ва намояндагони вазорату идораҳои дахлдор, сохторҳои иқтисодӣ ва бахшҳои хусусии ҳарду давлат иштирок намуданд.
Зимни суханронӣ муовинони сарвазирони Ҷумҳурии Тоҷикистон ва Муғулистон аҳаммияти таҳкими ҳамкории тиҷоратию иктисодӣ, ҷалби сармояи мутақобил ва ба сатҳи сифатан нав баровардани муносибатҳоро таъкид намуда, омодагии қавии худро барои дастгирӣ ва татбиқи лоиҳаҳои муштарак иброз доштанд.
Тавре иброз гардид, ҳадаф аз баргузории форум таҳкими муносибатҳои тиҷоратию иқтисодӣ, ҷалби сармоя ва муайян намудани самтҳои афзалиятноки ҳамкории оянда ба шумор меравад.
Дар ҷараёни форум пешниҳодҳо ва ташаббусҳои мушаххас доир ба татбиқи лоиҳаҳои муштарак дар бахшҳои энергетика, нақлиёту логистика, кишоварзӣ, саноат ва рушди сайёҳӣ баррасӣ гардиданд.
Дар доираи баргузории нахустин Форуми сармоягузории Тоҷикистону Муғулистон 3 санади ҳамкорӣ ба имзо расонида шуд.
Ҳамзамон дар ҳошияи форум мулоқотҳои дуҷониба (В2В) байни соҳибкорони ду давлат ва вохӯриҳои (B2G) соҳибкорон бо намояндагони мақомоти дахдори давлатӣ баргузор гардида, дар ҷараёни он ҷонибҳо роҳҳои амалии татбиқи ташаббусҳои иқтисодӣ ва густариши муносибатҳои мутақобили судмандро баррасӣ ва мувофиқа менамоянд.
АКС: АМИТ «Ховар»
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
