Дар Хоруғ Форуми байналмилалии соҳибкорию сармоягузорӣ «Помиринвест – 2025» доир гардид
ДУШАНБЕ, 25.07.2025 /АМИТ «Ховар»/. Дар маркази маъмурии Вилояти Мухтори Кӯҳистони Бадахшон — шаҳри Хоруғ Форуми байналмилалии соҳибкорию сармоягузорӣ «Помиринвест – 2025» доир гардид, иттилоъ медиҳад АМИТ «Ховар» бо истинод ба мақомоти иҷроияи ҳокимияти давлатии вилоят.
Дар ин ҳамоиши муҳими иқтисодӣ намояндагони доираҳои соҳибкорӣ ва сармоягузорӣ аз ҷумҳурӣ ва кишварҳои хориҷӣ, инчунин мақомоти давлатӣ ва ташкилоти байналмилалӣ иштирок намуданд.
Форум бо мақсади ҷалби сармоя ба соҳаҳои афзалиятноки Вилояти Мухтори Кӯҳистони Бадахшон, тақвияти ҳамкории минтақавӣ ва рушди иқтидори истеҳсолии минтақа баргузор гардида, дар он имконоти сармоягузорӣ, шароити мусоиди ҳуқуқӣ ва иқтидори табиии Бадахшон муаррифӣ гардиданд.
Дар оғози Форуми байналмилалии соҳибкорию сармоягузорӣ «Помиринвест – 2025» роҳбарияти вилоят ва меҳмонони фахрӣ сухан намуда, аҳамияти баргузории чунин форумҳоро дар рушди иқтисодию иҷтимоии минтақа таъкид намуданд.
Дар доираи форум ҳайати меҳмонон ва иштирокчиён намоишгоҳи молу маҳсулоти истеҳсоли Вилояти Мухтори Кӯҳистони Бадахшонро тамошо намуданд. Дар намоишгоҳ маҳсулоти гуногуни ватанӣ, аз ҷумла маҳсулоти кишоварзӣ, ҳунарҳои мардумӣ ва саноатӣ муаррифӣ карда шуданд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Татбиқи лоиҳаи «Барқарорсозии Неругоҳи барқи обии Норак», марҳилаи 1 моҳи декабри соли 2026 анҷом меёбад
Ҳайати Тоҷикистон дар Саммити ҷаҳонӣ дар Дубай иштирок дорад
Дар Тоҷикистон истеҳсоли маҳсулоти саноатӣ афзоиш ёфтааст
НИШАСТИ МАТБУОТӢ. Дар неругоҳу марказҳои истеҳсоли барқу гармии ҶСК «Барқи Тоҷик» беш аз 18 миллиард кВт-соат неруи барқ истеҳсол гардид
НИШАСТИ МАТБУОТӢ. «Тоҷикстандарт» зиёда аз 1 миллион килограмм маҳсулоти гуногуни пастсифати ғизоиро ба қайд гирифт
Дар Душанбе оид ба молияи исломӣ ва бозорҳои сармоя машварати байналмилалӣ оғоз гардид
«КАМАРБАНДИ САБЗ». Дар шафати роҳҳои мошингарди Тоҷикистон беш аз 5 миллион бех ниҳол шинонида мешавад
НИШАСТИ МАТБУОТӢ. Кишоварзони ноҳияи Лахш соли 2025 беш аз 111 ҳазор тонна картошка истеҳсол намуданд
Комиссияи Аврупо талаботро барои интиқолдиҳандагони хориҷӣ сахттар намуд
Соли 2025 дар Тоҷикистон ба ҳар гектар замин 7,3 ҳазор метри мукааб об расонида шуд
Соли 2025 аз Тоҷикистон беш аз 30 ҳазор тонна зардолуи хушк содирот карда шуд
Хадамоти алоқа: Соли 2025 ҳаҷми хизматрасонии почта дар Тоҷикистон беш аз 18 миллион сомониро ташкил дод
